كتب: محرر أقباط متحدون
نشر الصحفى أحمد العطار حادثة مع سيدة مصرية تم دعوتها من قبل جهة حكومية وبعد أن أخذت التأشيرة من السفارة السعودية رفض موظف الجوازات المصرى ختم جوازها قبل شراء كود العمرة.
وكتب العطار على صفحته على الفيس بوك "السيدة شيري شكري عبد الملاك روفائيل.. مصرية مسيحية جالها دعوة من جهة حكومية سعودية لحضور مؤتمر ما، وأخدت بالفعل تأشيرة زيارة حكومية من السفارة السعودية بالقاهرة.
يوم السفر، روفائيل جهزت شنطتها وراحت المطار، وقفها الموظف على كاونتر الجوازات ورفضوا يختموا جوازها غير لما تشتري QR كود للعمرة قبل ما تطلع الطيارة أو مفيش سفر.
حاولت تفهمهم أنها مسيحية وأن المنطق بيقول أنها بالتأكيد مش هتروح تعمل عمرة.. لكن مفيش فايدة.. لازم QR كود.
روفائيل لأنها عارفة أنها مش هتاخد حق ولا باطل، راحت دفعت 4000 جنيه، وأشترت QR كود العمرة عشان تسافر من غير وجع دماغ.
ما هذا؟
