كتب - محرر الاقباط متحدون
وجه القس صموئيل عبدالله، كاهن كنيسة الشهيد العظيم مارجرجس - بلبيس، رسالة لشعب الكنيسة بمناسبة عيد الحب، جاء بنصها :
خليك خطيب_مُحب لخطيبتك حُب باذل … حب معطاء … حب امين .. بدون شهوة … بدون مقابل … بدون تجاوزات … بدون تمثيل … خليك امين وواضح معاها … خاف عليها وحبها حب حقيقى يكمل لزيجة مقدسة.
خليكى خطيبة_مُحبة لخطيبك …. امينة معاه دايماً فيه حدود مقدسة بينكم ‼️… تدعميه دايماً روحياً وعملياً … تحترميه وتحترمى رأيه ( بافراز وحكمة ) .
خليك زوج_مُحب وامين مع زوجتك ️ واب محب لاولادك ️ ابحث دايماً ازاى تسعدهم وترضيهم على قدر طاقتك و ( بكل ماهو لائق ) ، وماتدورش على سعادتك انت ولا على نفسك و ذاتك انت.
خليكى زوجة'> زوجة_مُحبة و امينة مع زوجك وام مُحبة لاولادك اهتمى بيهم روحياً ونفسياً وجسدياً ، وخليهم هما دايماً الاول ف حياتك و خليكى انتى اخر الكل .
خليك ابن_ة_مُحب لوالديك مطيع ليهم … تحترمهم و تكرمهم وتهابهم … ابن بار بيهم … تحترم رأيهم ومشورتهم … تسندهم فى شيخوختهم … تفتخر بيهم فى اى مكان.
خليك صديق_ة_مُحب ووفى لصديقك ، تهتم بيه روحياً وتخاف عليه ? وتدور على خلاص نفسه وتكون كاتم لاسراره … مجامل له فى افراحه واحزانه باحث دايماً عن سعادته ️ بدون اى مقابل.
خليك اخ_ت_مُحب لاخواتك ولاسرتك بلاش خصام … بلاش زعل … بلاش طمع … خليك خادم للكل واخر الجميع وباذل نفسك عنهم … باحث عن خلاصهم .
خليك #خادم_ة_كنسى_مُحب لاولادك بتدور عليهم بامانة … وتهتم جداً بخلاصهم وافتقادهم … وتتعب عشانهم وماتدورش ع الخدمة المريحة وتحاول تسدد احتياجتهم بامانة … و بلاش تدور على ذاتك وشكلك وصورتك قدام الناس والكنيسة.
