د. أمير فهمي زخارى المنيا.
زوجه أنور السادات الأولي كانت السيدة إقبال ماضي كانت ابنة عمدة ميت ابو الكوم..

والد أنور السادات كان فلاح بسيط ... لما وقعت عليه القرعة يعني التجنيد الإجباري اتجند ... من حظه أنه اتعلم التمريض في الجيش بالخبرة ولما ترك الجيش مابقاش فلاح بقي اترقي وراح اشتغل تمرجي كمساعد تمريض عند مستشفى الدكتور مجدي في الدقي وده اللي جاب الواسطة لأبنه أنور علشان يدخل الكلية الحربية..

طبعا أنور السادات انتهز الفرصة اول ما لبس البدلة الميري حتى قبل ما يتخرج واتجوز بنت عمدة القرية..

أسمه الحقيقي الساداتي نسبة للشيخ السادات شيخ مشايخ الطرق الصوفية وده في أهميته وخطورته وتأثيره كان ينافس مركز شيخ الأزهر وقتها...

 في عهد نابليون اللي قطع واعطي اقطاعيات ضخمة من الأراضي الزراعية بفلاحيها للمشايخ لكي يضمن ولائهم ...

كان حظ الشيخ الساداتى في المنوفية أخصب الأراضي كان أهم شيخ فيهم بالنسبة لجماهريته وشعبيته.. خد الأرض بفلاحيها ببقرها بجواميسها بغنمها ...

أجداد السادات كانوا ضمن هؤلاء الفلاحين فأسموهم الساداتي يعني فلاحين ارض الشيخ السادات ... أشبه برقيق الأرض في الأدب الروسي في قصص تولستوي وديستوفسكي.. كانوا برضه بيسموا رقيق الأرض بأسم مالك العزبة او الإقطاعية..  

أول حاجة عملها السادات بعد الثورة أنه شال ياء الملكية من اسمه واسم اخواته واسم عيلته واجداده وغير أسمه من الساداتي إلي السادات ليتخلص من ماضيه وأصله إلى الأبد.. خلاص بقي من الحكام..

⏪وانتظروا المقالة الجايه عن أنور السادات الذي لم نعرفه من قبل.
تحياتي...
د. أمير فهمي زخارى المنيا.