الشاعر أيمن منير
• بتحضنيني لما بحضن صورتك
•لكنه حضن فاقد للأمان
• لسه بلمح ملامحك في خيالي
• كل مايشوف خيالي طيفك
• لسه بشعُر وكأنك معايا
•وعايش في بيتك
•لسه دمعي بينزف عشانك
• لسه روحي متعلقه بزمانك
• لسه شايفك لسه حاسك
• لسه إنتي دُنيتي
• وكاني شايف إحساسك
•أُمي لو رجع الزمان لزمان
• مش هطلب غير إني اضمك
•وابوس رأسك وابوس إيديكي
• زي ماكنت بعمل واحس بأنفاسك
•أه ياأُمي فين زمانك
•فين لما كنتي بتسأليني
• عن الصغير والكبير
•وتحكي معايا بالساعات
• وأخِر المُكالمه أسيبك
•وأنا بدعيلك كتير
•وتقوليلي يأبني ميحرمنيش
• منك ربنا دأنت إبني البكري
• وأول الهنا
• يأه لو الاثير يجمعنا تاني
•والتليفون يضُمنا
• ربنا ينيح روحك دايمًا ياأُمي
• يملا حياتك ربي يسوع بالهنا
