تحدثت الفنانة علا غانم خلال لقائها اليوم ببرنامج "صبايا الشمس" مع المذيعة ريهام سعيد عن تفاصيل زواجها الأخير من رجل الأعمال عبدالعزيز، بعد أزمتها الأخيرة معه.
وقالت علا غانم: "أنا اتجوزت أخر 2005، أنا متجوزتش ولا ملياردير ولا مليونير ولا أي حاجة، أنا اتجوزت راجل عادي مصري أمريكي قابلته بالصدفة في أمريكا، كان عنده محطة بنزين وباعها، وكان عنده مطعم ونايت بردو كان بايعه".
وأضافت: "ولما قابلته قالي أنا بطلت كل حاجة وعايز يبقى مبيشتغلش ويرتاح، وسافرت أمريكا بصور قابلت واحد بعد شهر لقيته جاي ورايا مصر بيقولي أنا عايز اتجوزك وإلحاح وإصرار".
وتابعت: "اتجوزته عشان كنت محتاجة في المرحلة اللي أنا فيها راجل جانبي، كان أكبر مني في السن بحوالي 16 سنة، حسيت أن هو هيكون إحتواء ليا سند هيساعدني في اللي جاي، بناتي بيكبروا، بمثل وقتي مش فاضي".
وأكملت: "أنا انفصلت عن أبو البنات وقعدت 11 سنة سنجل وبعدين اتجوزت جوازة فاشلة قعدت ست شهور واتطلقت في ثانية، بعدين قابلت زوجي السابق".
واستكملت: "هو طلب الجواز مني أول ما شوفته في أمريكا وأنا رفضت وقولتله أنا معرفكش ولا أنت تعرفني، وبعدين أنا مش بتجوز غير في بلدي".
وكانت الفنانة علا غانم، كشفت تفاصيل تعرضها للاعتداء والطرد من منزلها بالمريوطية على يد زوجها، قائلة إنها فوجئت باقتحام عدد من الأشخاص رفقة زوجها رجل الأعمال عبدالعزيز حسن لبوابة منزلها بعد الاعتداء على حراس العقار وضربهم.
وقالت، خلال مداخلة هاتفية مع الإعلامي عمرو أديب، ببرنامج "الحكاية"، المعروض عبر فضائية "mbc مصر": فوجئت بخبط غريب جدًا على البوابة وبدأت في الصراخ، وبعدها اقتحم عدد كبير من الأشخاص منزلي كان من بينهم عدد من السيدات.
وأكملت الفنانة علا غانم: زوجي اقتحم مع الناس اللي معاه غرفة مكتبي واستولى بالقوة على الجهاز الخاص بتسجيل الكاميرات المثبتة داخل المنزل وخارجه، مؤكدة: أمي اتضربت بالشوم من زوجي أمام عيني ومكنتش قادرة أدافع عنها.
علا غانم أضافت: استطعت الخروج لحديقة منزلي بالروب بصحبة والدتي واتصلت بالنجدة التي وصلت، وتم اصطحابي لقسم الشرطة لتحرير المحضر، مؤكدة: ده بيتي اشتريته من عام 99، وفيه قضية خلع رفعتها ضد زوجي لوجود خلافات معه، ورجعت مصر أواخر شهر أكتوبر الماضي لاستكمال دعوى الخلع.
