كتب - محرر الاقباط متحدون
قال هاني شنودة سفير المحبة والسلام، المعني بمجال الخدمة المجتمعية :" النهاردة وانا ماشي في شارع سيف لقيت عربية جنازة جنب كنيسة العذراء مريم ، وقولت احضر الجنازة انا متعود احضر اي جنازة حتا لو حد معرفوش.
مضيفا عبر حسابه الخاص على فيسبوك :" المهم ملقتش حد جنب العربية الا الاب والام وحوالي فردين 5 أفراد من اخواتنا المسلمين جايين يحضروا فقط ، اول ما العربية اتفتحت لقيت صندوق صغير طالع منها سالت قالولي طفلة صغيرة 4 شهور ماتت موتت ربنا ، حزنت جدا وبكيت اول مرة احضر في حياتي جنازة لطفلة صغيرة عندها شهور بس وكمان ملقتش حد في الجنازة ، بس قلت اكيد يسوع معاهم ومش هيسبهم وهيعزيهم.
واختتم :" ربنا يعزيكي يا حببتي اذكرنا امام عرش النعمة، احساس صعب انك تروح السماء ومتلقيش حد جنبك، لكن يسوع كان معاكي النهاردة يا حببتي وفرحان بيكي في السماء سفير المحبة هاني شنودة.
