كتب: محرر أقباط متحدون
بعد حكم اليوم بعدم اختصاص المحكمة في قضية الطفل شنودة، قال أحمد عرفات صاحب محتوى على اليوتيوب، أن أكثر أسرة تحتاج لدعم المصريين اليوم هم أهل الطفل شنودة.
وكتب" لو في أب وأم يستاهلوا دعم من كل المصريين دلوقتي فبدون شك أ. فاروق وأ. آمال أهل الطفل شنودة يستحقوا ده بدون نقاش".
قرروا يتبنوا ملاك صغير بدل ما يعيش في دار رعاية. خد منهم محبة وحنان بدون شروط. كبر بين حضنهم وفجأة !! راح منهم واتغير اسمه.. ولمدة سنة ونص اتحجز الطفل في دار رعاية وأهله مش قادرين يشوفوه لأن" التبني ممنوع في مصر". ورغم كل الصعوبات والألم ده قرروا يناضلوا ويكافحوا ليل نهار، قرروا بكل شجاعة يتكلموا عن قضيتهم. من شوية المحكمة قررت عدم اختصاص القضية وأن شنودة هيفضل بعيد عنهم، ده وضع صعب ومؤلم جداً على الأسرة دي. قدموا ليهم من فضلكم الدعم النفسي اللي يستاهلوه وقولوا ليهم أن كلنا معاهم وجمبهم
الأسرة دي فخر للإنسانية والمحبة اللي في الدنيا كلها .
