كتب - محرر الاقباط متحدون
ابدى الكاتب والمفكر خالد منتصر ، اعتراضه على مسلسل "جعفر العمدة"، الذي ينافس في سباق دراما رمضان 2023، بطولة محمد رمضان وتأليف واخراج محمد سامي.
وكتب منتصر عبر صفحته الرسمية على موقع التواصل الاجتماعي فيسبوك :" أنا مش مصدق ان فيه سيناريو مكتوب لمسلسل " جعفر العمده " !!وايه صورة المرأة المصرية المهينة اللي في مسلسل محمد رمضان دي ؟!.
فيما رأت رنا عادل مدربة اللياقة البدنية وخبيرة التغذية، ان المسلسل يجسد الواقع، وجاء بنص تعليقها على منشور منتصر :" بس معظم الستات كدة فعلا يادكتور دى حقيقة ، مش بتشوف فيديوهات الطبخ والاكل وخلافه عاملين ازاى ؟ شوفت اسلوب حياتهم إللى بيعرضوه فى الفيديوهات ؟ شوفتهم بياكلوا إزاى ؟.
مضيفة :" طب على الاقل الفنانات لابسين احلى واشيك وا جسامهم أرشق وملامحهم اجمل.
وابدى عدد كبير من رواد مواقع التواصل الاجتماعي، غضبهم من المسلسل، وفيما يلي ابرز التعليقات :
احمد شوقي - صحفي ومذيع : و الله نفس الكلام كنت بقوله الصبح ل أستاذه فريده الشوباشى أنا بجد حزين إزاى شركة المتحدة وافقت على هذا العمل إلى فيه إهانه ل صورة المرأه المصريه المسلسل لا يمثل الهوية المصرية إطلاقا.
-وافتكرتوها في مسلسل محمد رمضان بس لكن الحاج متولي و الزوجه الرابعه كانوا عادي؟!!.
-الحقيقه دا اللي بيعجب الرجل المزواج واظن بقي دا اغلب المسلسلات لو مكنش متجوز اربعه فهو في اغلب المسلسلات بيخون مراته او بيتجوز من وراها.
-استكمالاً لتزوير التاريخ والحضارة لزرعها فى ادمغة الجيل الحالي وغسلها.
-مسلسل ستهم وحضرة العمده وعملة نادرة رائعين والبطولات النسائية افضل بكتير جدا لانهم بيناقشوا مشكلات مهمه جدا البطولات الرجالى سيئة جدا ومصممين انهم بملابس البلطجية وتجار السلاح والمخدرات والاثار مما يصدر صورة سيئة جدا عن المجتمع المصرى.
-عادي جدا كل مسلسلات محمد رمضان كده.
-ده استمرار الكارثة الدرامية (عائلة الحاج متولي)، العمل ده كان سقطة في تاريخ نور الشريف، بعد كده قلده مصطفى شعبان في مسلسل (الزوجة الرابعة). ولسه أظن التيمة المعلبة دي هتتكرر كل عام سنة.
وأكثر ما أثار غضبى تكرار نفس ما فعله في الأسطورة الاستقواء و إهانة شباب على الملأ ليبرز لنا عضلاتة و لا أظن أبدا أن تلك المشاهد سوف تخدم و تكمل العمل!! هذه المشاهد ترضى رغباته و غروره.
-من ايام مسلسل الحاج متولي وصورة المرأة كده والمخجل ان المرأة نفسها هي التي تساهم في وصفها بهذه الصورة.
-آه لفت نظري اوي الراجل اللي ادي مراته بالقلم وهي مفيش رد فعل لا وتقوله ضرب الحبيب ! .
-محمد رمضان بقي، حتي تمثيله هزلي مفتعل.
-يرحم زمان لما كانت المرأة المصرية ذات قدر وقيمة.
-انا بالنسبه لي مشاهده محمد رمضان في حد ذاته اهانه للعقل والفن كمان.
-منتهى السخافه وقله الادب وكأننا رجعنا لعصر الجوارى.
مافيش سيناريو هما كل يوم تصوير كانوا بيجوا و يشوفوا الكلام علي ايه.
اتفرجنا انا وزوجى على اول حلقة وبعدها قررنا مقاطعة المسلسل لاهانة المرأة … حاجة بجد مؤسفة يا دكتور خالد.
-احسنت بيعلم الناس الجهل والانحطاط وبيرجعنا لورا مفيش اي قيم ولا رسالة ولا معني.
امنية خليل ومريم نعوم الهرشة السابعة مسلسل رائع بيحترم المشاهد علي شاهد.
-والمشكلة ان كل الناس عاجبها المسلسل.
-حقيقي صورة مهينة جدا للمرأة.
-ماتدوقش يادوكتور كل المسلسلات بعافية السنادي ماحصلوش سلق البيض حتى عشان غالي
-تجاهل مثل هذه الأعمال هو الأفضل، لكن للأسف أصبحت هذه هي الصورة السائدة للمرأة و الرجل في الفن و أكرر أسفي لهم جمهور عريض يتابعهم.
-آداء وتمثيل نفس شخصية رفاعي الدسوقي نفس فردة الصدر والعضلات وطريقة الشبحنه في الكلام.
