كتب: محرر أقباط متحدون
طلب الإعلامى أحمد سالم فئة التى سماهم " الوطنيين" أنهم مايتهموش اللى بيشتكى من ارتفاع الأسعار بالجحود، لانه بيشتكى من التعب والضغط اللى وصله.
وكتب سالم "السادة الوطنيين آخر حاجة ،مش كل ما حد يشتكي من الدنيا و الأسعار تهجموا عليه و تتهموه بالجحود و نكران الجميل و تهديد السلم الاجتماعي و محاولة قلب نظام الحكم، والسادة المعارضين بزيادة، مش كل ما حد يشتكي من الدنيا و الأسعار تاخدوه في سكة النجفة و البشر قبل الحجر و ليه تعملوا كباري و مساجد ،
الموضوع بالنسبة له ببساطة انه بقي محتاج ضعف دخله_ اللي مكانش بيكفيه_ بتاع السنة اللي فاتت عشان يقدر يعيش في نفس المستوي
ارجوكم ارحموا اللي بيشتكي عشان هو تعبان و مضغوط جدا و مش ناقص حضراتكم و مش طالب منكم مساعدة أصلا عشان تعملوا فيه كدة و ممكن تقولوا كلمة حلوة تطيب خاطره او تسكتوا خالص و ده يبقي احسن طبعا.
