د. امير فهمي زخاري المنيا
بمناسبه أحد المولد أعمى من الصيام الكبير ...
هو ده العيب الخلقي اللى كان عند «المولود أعمى».
العيب ده ان الطفل بيتولد من غير كرة العين اصلا the eye ball، وممكن تكون لعين واحدة او للاتنين unilateral or bilateral والسبب الاعظم للمرض ده هو عيب جيني genetic disorder، وممكن كمان يحصل بسبب عدوى فيروسية للام وقت الحمل خاصة في الشهور الاولى rubella and toxoplasmosis ، او تعرض الام للإشعاعات في فترة الحمل .
و ممكن يتم تشخيص العيب الخلقي ده بالأشعة 4D او اشعة الفحص التشريحي للجنين fetal anomaly scan و دى اللى بيطلبها الدكتور عند الاسبوع ال 22 - 24.
للأسف ما لهاش علاج لحد دلوقتى، علاجها تجميلي بتركيب كرة عين صناعية مكان العين المفقودة.
تخيلوا ان حالة زى دى بصعوبة (باستحالة) علاجها دى، ربنا يسوع المسيح عالجها من 2000 سنة، خلق عينين من جديد.
تخيل كم الفرحة والانبهار اللى حصلت للراجل ده لحظة ما غسل وجهه، ولقى عنده عينتين بيشوف بيهم. هو فيه حد ممكن يتخيل الفرحة دى !!!! 😀😀😀
يسوع المسيح هو إله المستحيلات. غير المستطاع عند الناس (الدكاترة والجراحين والعلم والعلماء) مستطاع عند الله، وهو نفسه اللى قال «اسألوا تعطوا، اطلبوا تجدوا، اقرعوا يفتح لكم» ... المطلوب بس إنك تطلب منه اللى نفسك فيه - بإيمان ابن بيطلب من باباه حاجة، هتلاقيه بيديك اللى طلبته في وقتها
لك المجد ياربي يسوع يا خالق الكون منذ البدء وصانع المستحيلات في كل زمان. امين
د. امير فهمي زخاري المنيا
----------------------------------------------------------------------
مع المقال:
انجيل المولود اعمي غيباً بصوت عم موريس الياس...
