كتب - محرر الاقباط متحدون
قال الكاتب الليبرالي كريم جاهين :" اغنية اسرائيلة منتشرة بتقول يارب نشوف كل بلاد العرب زى دبي."
مضيفا عبر حسابه الرسمي على تويتر :" لازم نعترف .. من التمانينات و حكام الامارات واضح انهم سابقين كل الدول العربية فى اخر ٣٠ سنه ، و بسنين كمان ،فى وقت الدول الخليجية بتحرم الاستثمارات الاجنبية وخايفه من الاجانب و مرعوبين من تغيير التركيبة السكانية عندهم.
لافتا :" الامارات طارت فى السما.. ولا كفيل ولا خوف من تملك اجانب والدخول بقوه فى السوق الحره، تم تكفيرهم والهجوم عليهم من الجميع بكل الاساليب.. فى الاخر الكل بيجرى يقلدهم حاليا فى محاوله للتنافس الشريف بين الجيران .
كما لفت :" خلعوا بدرى من القضايا اللى مش هتتحل لانها قايمه على المتاجرة ( زى قضيه فلسطين ) اللى رجعت مصر والاردن وسوريا ولبنان ١٠٠ سنه ورا، وشافت الشطار والمتفوقين عملوا ايه ، راحت قالت انا عاوزة انقل التجربه بالحرف بدون فتى ولا احط التاتش بتاعى ( زى ما كل الفشلة عملوا )، الامارات صعب حد يلحقها فى المنطقة الا السعودية لو استمرت فى اللى بدئته اتمنى التوفيق للجميع واتمنى الشعب المصري يفوق من خيبته وشيوخه ودروشته يمكن نلحق العالم.
