علق الإعلامي عمرو أديب، على مشهد أطول مائدة إفطار في حي المطرية.
وقال أديب، خلال تقديم برنامجه "الحكاية" المذاع عبر فضائية "إم بي سي مصر 2" مساء السبت،: "أهل المطرية أجدع ناس واللي حصل شيء جميل ومشرف".
وأضاف الإعلامي: "اه في فقر وارتفاع في الأسعار في بس اللي عايز ياكل فطار او سحور هياكل، البلد دي كل يوم بتثبت لك احنا مش هنسيب بعض احنا بناخد بالنا من بعض، اللي حصل في إفطار المطرية يعرفك البلد دي عاملة ازاي في سنة الازمة".
وتابع: "هو بالفعل في ازمة انما الناس بتعرف تقف جنب بعضها وتساعد بعضها وتطلع من جيبها متقلقش انت مش لوحدك احنا هنفطر 5 الاف واحد".
وواصل مقدم برنامج "الحكاية": "ظهر لنا حزب تكسير المجاديف وناس ضايقها المنظر، دول مش اخوان لا دول ناس مننا فينا في مصريين لما يلاقوا اي حاجة كويسة يكسروا مجاديفها، يا جدعان السفير الكوري الجنوبي كان قاعد بيفطر في المطرية على التربيزة، الراجل مش بيصدق ولا بيشوف الكلام دا في اي حتة في الدنيا، اتفضل يا معالي السفير اهلا بيك انت وصاحبتك لغاية السحور".
واختتم عمرو أديب: "رمضان في مصر حاجة تانية غير اي بلد في الدنيا ارفع راسك فوق انت مصري".
