أبدى الإعلامي عمرو أديب غضبه من واقعة وفاة مولود تسببت فيها مستشفى حكومي في كفر شكر بمحافظة القليوبية، بعدما رفضت إجراء عملية ولادة لسيدة قبل أن تدفع نحو 1600 جنيه، ما انتهى بمشهد ولادة في الشارع، ووفاة المولود.
وقال أديب، خلال تقديم برنامجه "الحكاية" المذاع عبر فضائية "إم بي سي مصر 2" مساء أمس السبت، إن وزارة الصحة أقالت مدير المستشفى، مضيفًا: "لما يكون في ست عايزة تولد وجوزها معهوش 1600 جنيه، يروحوا فين؟! وهل مستشفيات الحكومة بتطلب مبالغ زي دي؟! عايزين نفهم!".
ووصف الإعلامي الواقعة بـ "الكارثة المخجلة"، معقباً: "دي لو كانت واقفة قدام مستشفى خاص كانوا ولدوها، قولوا لنا إيه النظام؟! هل بنبني بنايات بملايين علشان الست تولد في الشارع لو ممعهاش 1600 جنيه!"، مشددا على ضرورة تغيير هذا النظام على الفور، مضيفًا: "لو واحدة ست جاية الطوارئ عشان تولد لازم تتدخل تولد".
