سخرت النجمة رانيا يوسف، من تصريحات زوجها السابق ووالد بناتها المنتج محمد مختار، عقب تأكيده امتلاكه مستندات تثبت إرساله مبلغ 15 ألف جنيه شهريا لها وللبنات، على عكس حديثها عن عدم إنفاقه عليهم.
المنتج محمد مختار، خلال ظهوره في برنامج "حبر سري": "أنا على مدى 5 سنين مردتش على رانيا يوسف، ولكن الموضوع زاد، وأنا اديتها كل حاجة أعمل إيه تاني، ومعايا مستندات فيها ختمي وبصمتي وحزين إني طالع أقول كدا، وهي قالت إني مش بصرف على بناتي، لكن أنا معايا ورق رسمي ومستندات، تثبت أن اللي قالته غلط، وببعت لها شهريًا 15 ألف جنيه أكل وشرب لبناتي، وكمان 800 ألف للتعليم بس".
النجمة رانيا يوسف، من جانبها علقت على تصريحات زوجها السابق، وعبر صفحتها في موقع "تويتر"، كتبت: "يعني معاك خمستاشر ألف، وممعاكش مستندات بفلوس المدارس اللي بتدفعها؟، الـ خمستاشر ألف دول تصرفهم على القطط اللي بتأكلهم في الشارع".
المنتج السينمائي محمد مختار، انفصل عن النجمة رانيا يوسف، بعد زواج دام 10 سنوات، ولديهما ابنتان ياسمين ونانسي.
