محرر الأقباط متحدون
أشاد الإعلامي أحمد سالم، بتناول مسلسل "تحت الوصاية" للفنانة مني زكي، قضية مهمة وهي قضية السيدات الأرامل وما يعانينه من ظروف صعبة بعد وفاة الزوج.
وقال "سالم" عبر حسابه الرسمي علي فيس بوك: "أنا الأم مؤهلة أرضع ولادي.. مؤهلة أربيهم وأذاكرلهم.. مؤهلة أحميهم وأوديهم تمارين".
وتابع: "بس مش مؤهلة أكون أمينة على فلوسهم في حالة وفاة الأب.. مش مؤهلة أفتح لهم حساب في البنك.. مش مؤهلة أكون أمهم لو اتجوزت.. مش مؤهلة أحتفظ بحضانتهم لو عندي مرض خطير".
وأشار أحمد سالم إلي مشهد في مسلسل Maid حد قال للأم (اثبتي إنك أمينة على بنتك) ردت وقالت (أوريكم جرح الولادة القيصرية).
وأضاف: في مسلسل "تحت الوصاية" الأم بتقول (هو أنا ليه ماكونش وصية على ميراث ولادي، انتوا مستصغرني؟!)
كلمة تحت الوصاية أكبر بكتير من معنى الوصاية المادية احنا حاطين الأم اللي بتعرف تعمل كل اللي فوق ده تحت الوصاية لمجرد إنها ست!
