ماجدة سيدهم
كلنا  مبسوطين اوي من مسلسل  تحت الوصاية ..بس  منى زكي هي إحنا الملاييين من  الستات المتمرمطين فعليا مابين مشاكل عائلية بعد وفاة الزوج ومجالس حسبية ومسؤولية تدبير المعيشة وكان المجتمع بيعاقبنا  على وفاة الزوج

  ياسين ابنها ..الطفل اللي وجع كل مشاهد  هو كمان ملايين من الأطفال اللي شالو الهم بدري  ومن دون اي ذنب بيدفعوا  تمن انتقام ووصاية مجتمع  بحاله على امهاتهم  الأرامل أو المطلقات

دي مش مجرد دراما هانصقف لها ونقول برافو وفعلا برافو لكن دي المراية الحقيقية لملايين من الأمهات اللي بيكسرها المجتمع كل يوم  وساكتين أو عاملين مش واخدين بالنا .. ياتري هاتكون للدولة  وقفة بجد ولا هانقضيها درامات ..