كتب - محرر الاقباط متحدون
استنكر الكاتب محمد ماهر منع طبيبة أسنان الرجال من دخول عيادتها بالشرقية.
وكتب ماهر عبر حسابه الرسمي على فيسبوك :" دكتورة أسنان بمحافظة الشرقية اسمها هبة الله عامر قررت تمنع دخول الرجالة العيادة بتاعتها وكتبت علي اليافطة بتاعتها ( سيدات واطفال فقط ) وفي تصريح صحفي لها بعد انتشار صورة اليافطة قالت ( ان تخصص طب الأسنان ووضعية فحص وعلاج المريض امر يلزمه حد معين من الاقتراب وانها بتتقي الشبهات ).
وتابع :" الحوار دا بياكد البوست اللي كتبته من كام يوم عن ظاهرة الأطباء الدراويش اللي معندهمش اي نوع من انواع الاحترام للمهنة بتاعتهم وفي أي دولة محترمة في العالم الدكتورة دي كانت هتقعد في بتهم وهيتلغي ترخيص عيادتها لأنها تمارس التمييز وتخلط بين عملها كطبيبة وبين هواجسها الجنسية النابعه من أفكارها الدينية لكن عندنا دا ممكن يحصل عادي بمباركه شعبية ونقابيه وقانونية ! .
