انتشر في السنوات الأخيرة الموت المفاجيء تحديدًا بين الشبا والمراهقين، وكان أخرهم الفنان الراحل مصطفى درويش، الذي رحل عن عالمنا منذ ساعات عن عمر يناهز ال 43، بسبب توقف عضلة القلب.
وقال الدكتور حسام موافي، أستاذ الحالات الحرجة بكلية طب القصر العيني، عن الموت المفاجيء وأسبابه: «عندنا مشكلة كبيرة جدًا في الطب اسمها الموت المفاجيء، بنحاول بقدر الإمكان نمنع الموت المفاجئ، ولكن مش بنطول العمر».
وأضاف موافي: «كيف تمنع أى شيء بمعرفة أسبابه اللي ممكن تتحكم فيها، وأشهر سبب للموت المفاجيء هو خلل ضربات القلب
وعن كيفية حدوث خلل بضربات القلب الذي قد يؤدي للوفاة دون سابق إنذار: «أنا عندي القلب اثنين أذين وبطين، لما يحصل خلل أذيني مش مشكلة ومش قضية كبيرة، لأن الأذين ممكن مايشتغلش خالص وممكن الدم ينزل على البطين من غير ما يشتغل».
أما عن الخلل البُطيني حذر موافي: «مشكلة لأن البطين بيعمل انقباض والحركة دي بتطلع الدم وإذا حرمته من الحركة دي مات ، وازاى أحرمه منها أن يحدث خلل فيها ويبقى اسمها الرفرفة البطينية، والبطين هو اللي معيشك، لو معملش الحركة دي خطر ولو حصل رفرفة أو ذبذبة بتكون قاتلة».
وأهم أسباب الخلل البُطيني هو ضيق الشريان التاجي وفقًا لما قاله موافي: «بيخلي الدم قليل، وبيخليني ماشي مستور، وإذا حدث رفرفة في ضيق الشريان التاجي بيؤدي لوفاة مفاجأة»
وأضاف موافي: «عشان كدة محدش يتهاون بكهرباء غير سليمة في البطين، ولو كل 20 دقة خبطة غلط أو كل 8 دقائق خبطة غلط لازم أوقفه لأن ممكن الخبطة الغلط في البطين تؤدي ل 40 خبطة غلط ورا بعض وده يبوظ الدنيا».
وتابع: «اللي عنده دقات غلط هو مايعرفش إذا كانت أذين ولا بطين، مايستهونش ويروح يكشف».
كيف تعرف أن لديك خلل بعضلة القلب؟
توجد بعض الإشارات التي تنذر بإحتمالية توقف عضلة القلب، ذكرها موافي: «يوم ما الشخص بيتولد بيحش بدقات قلبه ولكن بعدين بيتأقلم عليها، وكذلك دلوقتي لو سألتك أنت حاسس بدقات قلبك هتقول لأ لأنك متأقلم عليها، والتأقلم نعمة كبيرة من ربنا مثل التبلد».
وأردف: «كلنا تأقلمنا على خبطة قلبنا في صدرنا ، وتأقلمنا على 3 حاجات، وهي قوة الضربة، وانتظامها، وسرعتها.. إذا لو رجعت أحسها تاني يبقى في حاجة باظت».
