د.امير فهمي زخاري المنيا
المعلومه الاولى:
تفتكر الفول يعتبر بروتين و لا نشويات؟
الفول يعتبر من النشويات
ليه ؟
لإن ال ١٠٠ جرام (٥ معالق تقريبا) فول فيهم من
٦-٨ جرام بروتين
و ٢٣ جرام نشويات!!!!!
فلو عندك زياده في الوزن محتاج تقلل الفول لمره في الأسبوع أو مره كل ١٠ أيام .
ده كده لو اكلت فول لوحده بالشوكه
ما بالك لو أكلت معاه عيش !!!!
توضيح :
البقوليات بشكل عام تعتبر من النشويات المعقده ومكنونها النشوي
Amylopectin C
و كميه البروتين في البقوليات ضعيفه جدا مقارنتا يالبروتين الحيواني.
الفول وجبه أساسيه عند المصريين و فيها قيمه غذائيه عاليه و لكن اذا اتطبخت صح (ينقع الفول علي الاقل ٨ ساعات)
و يضاف عليها زيت ونصف ليمونه وياريت جبنه (مصدر بفيتامين ج) يعنى بصله او جرجير او فلفل طازج او طماطم وبالهنا والشفا ...
---------------------------------
المعلومه التانيه...
تعرف إيه أهم أنواع المعادن اللي تقريبا ٧٠٪ من الشعب المصري بيعاني من نقص حاد فيه وهو مش عارف؟؟
الماغنيسيوم.....
الماغنيسيوم من أهم المعادن لإنه ضروري لصحة الخلايا ومكون حيوي لأكثر من 300 وظيفة بيوكيميائية في الجسم!!!.
حتى الجلوتاثيون، أقوى مضادات الأكسدة فى جسمك محتاجه
ماغنيسيوم عشان تتصنع
دكتور نورمان شالي ،دكتور جراحه أعصاب أمريكي بيقول يرتبط كل مرض معروف بنقص الماغنيسيوم ، وهو العلاج المفقود للعديد من الأمراض
⚠️ وللأسف معظم الناس مش عارفه ده...لإن تحليل الماغنيسيوم خادع!!!
بعد ما تعرف أهميته وتأثير نقصانه علي جسمك تروح تحلل تلاقي الماغنسيوم عندك في مستواه الطبيعي فتطمئن !!
و لكن ديه خدعه لأن ١٪ فقط من الماغنيسيوم في جسمك في مجرى الدم ، و٩٩ ٪ في الخلايا فلو نقص في الدم الخليه بتعوض فيمكن أن يكون عندك نقص ولن يتم اكتشافه حتى من خلال اختبار الدم.
طيب أعرف منين إن عندي نقص ماغنيسيوم؟
١/ طبيعه أكلك لو معظم أكلك معلبات وعيش ومكرونه وأكل غني بالجلوتين فده بيسبب خرم في الأمعاء و بيقلل امتصاص المعادن
(محتاج تستبدل ده بأكل يكون غني بالخضار والورقيات الخضراء لإحتوائها بنسبه عاليه من الماغنيسيوم/ مكسرات/كاكاو خام/ أفوكادو).
٢/ الأعراض:
- إمساك.
- إضطربات في النوم.
- إكتئاب.
- وجع في العضم والمفاصل.
- تشنجات القدم.
- ضغط الدم المرتفع.
- السكري النوع الثاني.
- الصداع النصفي.
- الإجهاد الشديد وقله الطاقه.
- تشنج الجفن: هذه واحدة من أكثر العلامات شيوعًا.
- صعوبة التركيز.
- التنميل: على وجه الخصوص اليدين والقدمين.
طبعا هاتقولى ايه الاكل اللى غنى بالماغنسيوم:
المصادر الرئيسية للمغنيسيوم، هي:
- الخضروات الخضراء كافة.
- كل أنواع الحبوب.
- المكسرات (الجوز ، البندق ، اللوز ، إلخ).
- البقول (الفاصوليا البيضاء ، العدس ، البازلاء).
- الشوكولاتة السوداء.
ومن الضروري تجنّب الوجبات الخفيفة والتقليل من المنتجات المكررة، واختيار الحبوب الكاملة والخضروات الخضراء؛ فبذلك سوف تتجنب نقص الماغنسيوم! خصوصاً وأنّ الماغنسيوم معدن أساسي للجسم، وله وظائف متعددة ويمكن أن يكون لنقصه تداعيات متعددة على الصحة.
دول المعلومتان اللى حبيت اشاركم بيهما اليوم..
تحياتى للجميع.
د.امير فهمي زخاري المنيا
