كتب - محرر الاقباط متحدون
شن المتشددون هجوما قاسيا على الدكتور حسام موافي، أستاذ الحالات الحرجة بطب قصر العيني،كون ابنته ظهرت في حفل زفافها غير محجبة مرتدية فستان قصير على الموضة، كما اتهم عدد كبير من المثقفين موافي بالازدواجية وانه لطالما غازل المزاج السلفي بخلط العلم بالدين، وكان قال موافي في تصريحات متلفزة :" لو اتكلمت عن الحجاب يقولولك ميصحش ولو اتكلمت عن الشذوذ الجنسي يقولوا دا حرية شخصية.
وكتبالمفكر والطبيب خالد منتصر عبر حسابه على فيسبوك :" لإن فيه صداقة قديمة مش حاشارك في نشر فيديو حفل الزفاف الذي فيه أستاذ بيتكلم في الاعجاز العلمي ، لإني اختلفت معاه في القضية دي تحديداً وحاولت مرة واتنين وعشرين ، إني أقول له بلاش يخلط الدين المطلق بالعلم النسبي ، بلاش يغازل السلفيين بأساطير مالهاش أي علاقة بالعلم اللي هو اتعلمه وكان بيعلمه ، لإن ده خطر ع العلم والدين .
وتابع :" لكنه ما اقتنعش وهاجمني بضراوه وبعصبية عايز أقول له دلوقتي قريت يادكتور السلفيين اللي كنت بتغازلهم بيشتموك ازاي ؟؟! شوفت السفالة في هجوم الدواعش اللي حضرتك كنت بتراهن على انهم الجمهور اللي حيكسبك الجولة ؟؟! ياريت يا أستاذنا تفهم وتستوعب الدرس ماتزايدش وتراهن ع هذا المزاج السلفي المتدروش لإنهم عايزينك نسخة منهم فوتوكوبي بالمللي لن يرضى عنك الدرويش حتى تكون مثله تابعاً له منسحقاً تحت أقدامه .
وواصل :" حتى عندما تفرح لابد أن تفرح مثله وترقص على نشيد صليل الصوارم وفي النهاية ألف مبروك وربنا يفرحك ويفرح أسرتك وخليهم يعلموا أحفادك إن مصر لا يمكن حتتقدم بالدروشة وإن الاعجاز الحقيقي في العلم وإن غير كده لعب بالنار ورصاصة بترتد في صدر اللي بيطلقها برجاء عدم ذكر اسم الأستاذ في التعليقات هي خصومة فكرية لا خصومة شخصية.
