كتب - محرر الاقباط متحدون
أكد رجل الأعمال المهندس نجيب ساويرس، وطنية شقيقه سميح، رئيس مجلس إدارة شركة أوراسكوم القابضة للتنمية،حيث قام البعض بتأويل تصريحاته بشأن الأوضاع الاقتصادية وسعر صرف الدولار.
وقال ساويرس فى تصريحات خاصة لبرنامج "حضرة المواطن"، المذاع على فضائية "الحدث اليوم": يجب على الناس ألا تفترض سوء النية في عائلة أو في شخص أو فرد مثل سميح أو مثلي لما نقول كلمة، لان الغرض من الكلمة الخير لمصر.
وتابع :" سميح قال ان مستثمرين كتير النهارده خايفيين يجوا لأن مش عارفين سعر الدولار بكره شكله ايه".
لافتا :"واللي قاله مفيش فيه حاجة غلط ، بل صحيح وده بحكم خبرتنا وكلامنا مع مستثمرين آخرين.
وتابع :" لما بنحضر دراسات جدوى جديدة بيكون عندنا عنصر مش قادرين نحطه في المعادلة وهو سعر الدولار.
مؤكدا :" احنا عيلة بنحب مصر اكتر من نفسنا ، عيلة بتدوب في حب مصر، وهو قال كدة عشان عاوز الخير لمصر .
كما لفت :" لما لقى هو كمان بنفسه الكلام وفي ناس معينة انت عارف قصدي على مين استعملوه وروجوه عشان ممكن يتسبب في ضرر على مصر، هو عمل التوضيح ده والحقيقة سميح اكتر واحد عنده مشاريع في مصر.
مضيفا :" في مشكلة وهي سعر الصرف، نقلق بس من تصريحات الغير وطنيين، لكن لو شخص بيحب بلده شوف هو بيقول ايه ما يمكن يقدر يساعد في الحل.
ووجه رسالة للحكومة :" بخصوص الازمة اللي مصر فيها اقول للناس اللي بتحكمنا والبرلمان والوزراء كلنا هنضر من الازمة.
وتابع :" عشان كدة مش عيب اقول رأيي طالما انا مضرور منها وليا برضه دور في حلها.
ونصح :" واجب كلنا نستحمل ونقف مع بعض ونقوم بتنحية خلافاتنا جانبا، لان ده مش وقت خلافات البلد محتاجة كل واحد يطلع كل اللي عنده .
موضحا :" سعر كيلو اللحمة وصل لـ400 جنيه والدولار مش موجود فمش هنضحك على بعض ونقول مفيش ازمة.
مشددا على وطنية عائلة ساويرس :" حتى لو عندنا استثمارات في دول العالم لكن عائلة ساويرس زي محمد صلاح في كرة القدم وزي ميار الشريف في التنس .
وقال سميح ساويرس : بالإشارة إلى تصريحاتي الأخيرة الخاصة بتأثير سعر صرف الدولار سلبيا على الاستثمار فى مصر، خاصة أن البعض حاول تأويلها عن غير مقصدها واستغلالها ضد بلدي، رغم أن ما دفعني هو خوفي علي بلدي بتوجيه النصح.
مضيفا في بيان :" لأن هناك ضرورة لإنهاء تعدد أسعار الصرف، لضمان استمرار تدفق الاستثمارات الأجنبية والمحلية، كما أؤكد أن كل مشروعات العائلة في بلدنا مصر مستمرة دون توقف.. وفقنا الله لما هو خير لمصر".
وفي تصريحات للعربية ، لفت سميح :"اللي حصل خلال السنتين اللي فاتوا هو اللي وصل الاقتصاد المحلي للوضع ده .
وتابع :" خلال العامين الماضيين توقف الاستيراد الا عن طريق اعتمادات مستندية ، بالتالي كان فيه خامات كتيرة مقدرناش ندخلها مصر ، ودا معناه نظريا انك خليت الجنيه ثابث امام الدولار انما عمليا اللي ورا الجنيه كله وقع.
