كتبت : رضوى النبراوي
طبعا الكل هيقولي الأديب العالمي نجيب محفوظ 🤗 هقوله لأ مش هو😊 بس الأديب الكبير له حكاية جميلة برضوا مع شخصيتنا النهاردة 🤗
نجيب ميخائيل محفوظ ( نجيب باشا محفوظ) انا كأنثى أشكره و أكن له الاحترام انه أنشأ اول قسم أمراض نساء و توليد في مصر 👌 انقذ مصريات كتير من مخاطر الحمل و الولادة و مش بس كدا دة عمل حملة تعليمية للدايات عشان يعلمهم التصرف الطبي في الحالات الصعبة
أنشأ اول وحدة صحية لمتابعة الحمل و الأم و لحد وقتنا هذا موجودة في كل مكان في مصر وحدة صحة المرأة 👌🤗
و عالميا بقي أشهر عمليتين في أمراض النساء و بيدرسوا في كليات الطب العالمية لحد وقتنا هذا تحمل اسمه ( جراحة نجيب محفوظ)😍
مش بس كدا دة أنشأ اول متحف من نوعه في الوطن العربي لتشوهات الأجنة و المتحف موجود حتى وقتنا هذا في القصر العيني 🤗
نجيب باشا محفوظ انقذ مصر من خطر كبير جدا كان فتاك وقتها و هو طالب في الطب الكوليرا اجتاحت مصر و مات ناس كتير كان مركزها في محافظة أسيوط سافر بناء علي طلبه لهناك و بذل مجهود خرافي لحد ما عرف مصدر الوباء و هو بئر ملوث في بيت أحد الفلاحين 👌👏🤗
نيجي بقى لتشابه الأسماء بين دكتورنا العظيم نجيب محفوظ و أديبنا الكبير نجيب محفوظ 💪 في يوم زوجة الحاج عبدالعزيز ابراهيم بتولد و حالتها سيئة جدا هي و الجنين و خلاص الجميع متوقع وفاتهما دكتورنا العظيم عرف جري علي بيت الحاج ابراهيم و بفضل الله تمت الولادة بخير و الام و الطفل زي الفل 🤗
الحاج ابراهيم صمم يسمي ابنه المولود إسم مركب على اسم الدكتور تقديرا بمجهوده في الولادة ( نجيب محفوظ عبدالعزيز ابراهيم ) اللي
اصبح الأديب العالمي ( نجيب محفوظ) 🤗
دكتورنا الكبير اتوفى ولكن ظلت اعماله و مجهوداته بيننا الي الان من إنشاء قسم أمراض النسا ووحدة صحة المرأة و قليل من يعرفه
تقلد بأرفع وسام في الدولة وسام النيل فيستحق اننا نذكره و نكتب عن إنجازاته التي أنقذت نساء مصر 🤗😍
#رضوى_النبراوي
