كتب - محرر الاقباط متحدون
اثارت الشيف نجلاء الشرشابي، غضب عدد كبير من المصريين، حيث قالت للشيف ساندرا مكاري خلال تقديم برنامجها (على قد الايد) : "صلي على النبي كدة وقولي الشهادة"، رغم انها على علم بانها مسيحية، ووجه هؤلاء للشرشابي تهم التعصب وعدم احترام دين الآخر وممارسة الاستعلاء الديني، ومن بينهم الكاتب الليبرالي احمد عرفات ، الذي كتب عبر حسابه على فيسبوك :"
الشيف "نجلاء الشرشابي". اللي بتطلع علي قناة cbc وعندها ملايين المتابعين كانت مستضيفة مذيعة وخبيرة تغذية اسمها "ساندرا مكاري".
المهم ساندرا بتقول للمذيعة : أنا سعيدة جداً بوجودي معاكي، ردت عليها نجلاء وقالت لها بنطاعة ووقاحة طيب ما تصلي على النبي كده و تقولي الشهادة بالمرة. ساندرا ضحكت وعدت الموضوع عادي وطبعاً نجلاء كملت عادي وفضلت تضحك .
الجملة دي موجوده للأسف كثير حوالينا .. ودايماً بتتقال كمادة للهزار والضحك. لكن هي جملة سخيفة مفيش فيها ضحك ولا احترام ابداً.
بتمنى المذيعة دي تتحول للتحقيق، وبتمنى نبطل نشوف الجملة السخيفة دي في أي مكان سواء هزار أو جد وبس ":).
