بقلم جورج حبيب
يا اللي من بكرة خايف
خايف منه ليه
دا بكره موش بتاعك
دا بتاع ربك يدبر حالك
من المشاكل خايف
وعمال تفكر وفيها تايه
هو عنده كل الحلول
هيفرحك وتنبسط علي طول
وان كان علي المرض
هيمد ايده وينتهي العرض
وان كان علي النفسية
ارمي عليه ده كله حنية
هو ناسي انك ابنه
دا مهتم بيك ولو ناسيه
دا الخير عنده كتير
روق كده وبلاش تفكير
محتاج حاجه صلي
والرد في مصلحتك تملي
محدش زيه هيحبك
محدش زيه هيقف جنبك
تلاقيه علي طول بيطبطب
وفي كل ثانيه منك بيقرب
علي طول عمال ينادي
انا معاك هنقذك يا غالي
بطل تسمع شكوك الشيطان
اصله من علاقتك بربك غيران
واذا مسك الشيطان بشر
يرده ربنا عليه كل الشر
فرفش كده واطمن
اضحك كده وبايمانك برهن
قول انا ابن الملك
اللي ياذيني يعرف انه هلك
بكرة دا يوم جميل
اوعي تنام وانت ذليل
املا نفسك بالاماني
ولا لحظة تندم ولا تعاني
دا انت غالي وابن الغالي
