وائل تواضروس
القسيس صاحب الاباركة هو الراهب متى عبد المسيح البراموسى
والكنيسة القبطية حرمته فى عهد البابا كيرلس الخامس بسبب كتاباته المضادة للرهبنة ومنهم كتاب صعب جدا اسمه البرهان المحسوس ضد الرهبنة وترمل القسوس.
فترة البابا كيرلس الخامس اشتهرت بان الكل كتب واتكلم ف الاصلاح الكنسى سواء مطارنة واساقفة وكهنة وعلمانيين ومنهم اللى كمل فى كتاباته ومنهم اللى فكره وداه ف حتة تانية وبعد عن الكنيسة فحرمته الكنيسة.
جايز يكون ده علشان انشغال البابا كيرلس ف صراع المجلس الملى معاه .. وجايز يكون رد فعل لتوغل الارساليات وفكرهم لكل الكرازة سواء بمساعدة القوى السياسية الخارجية او فكرة الانبهار القادم من الغرب .
وكان للجنة التاريخ القبطى ( معظمهم علمانيين) مع الانبا يوانس مطران البحيرة دور ف عقد مجامع لمعاقبة الخارجين حتى الاساقفة .
ومعظم الكتابات الإصلاحية توارث نتائجها وعواقبها البطاركة اللى بعد البابا البابا كيرلس الخامس الى البابا شنودة الثالث.
وبعد حرمان الراهب متى عبد المسيح رجع لاسمه العلمانى جورج عبد المسيح وضاف اسم القسيس فبقى اسمه جورج عبد المسيح القسيس واشتغل ف الاباركة وبقى صاحب معمل نبيذ اباركة القسيس ( شغل ماركتنج ).
الراهب متى عبد المسيح ليه كتاب جميل جداً عن الانبا ابرام اسقف الفيوم والجيزة اسمه تاريخ المطوب الذكر الانبا ابرام اسقف الفيوم والجيزة طبعه ٣ مرات
بعد نياحة الانبا ابرام
مرة باسمه كراهب ( الراهب متى عبد المسيح )
ومرة باسمه كعلمانى ( جورج عبد المسيح ) بعد حرمانه.
الانبا ابرام الكبير ليه مواقف مضادة مع الانبا يوانس مطران البحيرة ( البابا يوانس فيما بعد ) ولجنة التاريخ اكتر موقفين كانوا ساعة توقيع الحرمان ع الانبا ايسيذوروس( رئيس دير البراموس) لانه كان يعرفوا بعض وهم رهبان ف البراموس.
والموقف التانى مع الانبا بطرس اسقف منفلوط لما قررت لجنة التاريخ محاكمته ( علشان استضافة الانبا الايسيذروس فى مطرانية منفلوط ) فى حضور الانبا ابرام اللى فضل يدافع عن الانبا بطرس اسقف منفلوط لحد ما تم تبرئته.
وفى مرة زقوا ع الانبا ابرام بعض الاكليروس علشان يشتكوه 😂 ( وكان التاريخ بيعيد نفسه ) اللى هى القصة المعروفة بتاعت شعاع الشمس مع الانبا ابرام ف حضور البابا كيرلس الخامس.
قصة الانبا بطرس اسقف منفلوط ( تناقلها البعض ع انه قسيس من الصعيد ) لكن الانبا ايسيذوروس اسقف دير البراموس ذكرها فى كتابة عن الانبا ابرام.
