بقلم جورج حبيب
يااللي بتشكر في الغير
والقريب منك لا
ومتجاهله وشايف تضحيته حق
والبعيد عنك افضاله كتير
والقريب اخطاؤه منها العديد
والقريب بيقدم وهو صامت
لا يوم اشتكي ولا كان شامت
وتشكر في البعيد وانت مجربتوش
دا ان قربت منه حتقول متقطوش
وغريبة الدخان القريب بيعمي
لا تشوف فضايل القريب ومنه تجري
والبعيد شايف فيه كل الخير
وتشكر في مزاياه وتعددها للغير
والقريب منك دا مسكين
ناسيه وفي لحمه تقطع بسكين
لا في يوم قدرت تضحيته
ولا حاسس بيه ولا باهميته
وفي يوم هيسيبك ويفارقك
تحتاس ولا ينقذوك حبايبك
وتقول كانت فين عيوني المغمية
ماشافتش فضايلة المستخبية
وتندم كتير علي نكرانك
وتقول انك جاحد ولا تنفع اهاتك
موش احسن تشكر دللوقت
قبل الندم وضياع الوقت
اشكر علي الصغيرة والكبيرة
وارفع نفس ممكن تكون كسيرة
ربنا ما بيضيع اجرة كاس مايه
اتعلم منه واشكر ولو شوية
اشكر علي مر سنين وسنين
خدمة ليك من الغلايين
وبص قريب موش بعيد
مع غيره موش حتبقي سعيد
دا هي اوهام في دماغك
صلي ربنا يبددهالك
