كتب - محرر الاقباط متحدون
قال الاعلامي احمد سالم :" اعتقد ان الخطاب الإعلامي الذي يعتمد علي سياسة كنا فين وبقينا فين لم يعد له نفس التأثير علي المشاهد ،الكلام عن الإخوان و السنة السودا بتاعتهم لا يصلح كرد علي ارتفاع الأسعار الجنوني لأن المواطن حاليا وبعد ١٠ سنين من رحيل العصابة دي ،الموضوع مبقاش محور اهتمامه نهائي.
مضيفا عبر حسابه الرسمي على فيسبوك :" لازم نكون موضوعيين اكتر من كدة و نكلم الناس في اللي يهمهم مش اللي يهمنا، لازم نعترف بوجود أزمة و نطرح كل الحلول و نناقشها و نرد علي التقارير الدولية اللي بقت شبه يومية عن حال الاقتصاد المصري من غير تخوين و اتهامات ساذجة من نوعية مالك و مالنا يا صندوق النكد.
لافتا :" ماينفعش اجاوب مواطن بيسأل عن سعر اللحمة بعرض مشروع افتتاح كوبري او ميناء اللي ممكن يكون مشروع مبهر فعلا بس مش هو الإجابة عن سؤاله ولما يقول لي انا استفدت ايه اتهمه بالجحود والخيانة و انه همه علي بطنه.
