البوتجاز وورق الالومنيوم

قالت السيده لى:

باختصار شديد ...

انا كنت دايما لما انظف البوتاجاز كنت بحط ورق فويل عليه وحولين العيون علشان يفضل نظيف دايما و ميبقعش البوتاجاز نفسه

امبارح كنت مشغله البوتاجاز على الغدا وداخله المطبخ بعد شويه اشوف الاكل استوى ولا ايه ببص لقيت الجزء الى عند عيون البوتاجاز مولع ونار طالعه منه طبعا اترعبت ونديت لجوزى بسرعه واول حاجه قفل محبس الغاز (غاز طبيعى )...

و طبعا زراير البوتاجاز ساحت ومنظر غريب مش فاهمين ايه ده ...

انهارده من شويه جت شركه كريازى بتوع البوتاجاز كشفوا عليه قالوا احمدوا ربنا جدااااااااااااااااااااااا الشقه دى كان ممكن يحصل فيها انفجار...

الى حصل بقى...

ورق الفويل ده مع الوقت بيقع منه حتت صغيره جوه ماسورة الغاز الى جنب كل عين والفويل ده مش بيتحرق اصلا وحته ورا التانيه الماسوره تتسد فالغاز يسرب على مكان تانى علشان كده النار المحبوسه طلعتلى من عند الزراير .....وفعلا الراجل ورانا ورق الفويل الى واقع فى المواسير الصغيره....

 الراجل قال ان الموضوع ده  منتشر و بتحصل بسببه بلاوى..

و النتيجه الى وصلنالها..

- محدش يستخدم فويل خااااااااااااااالص ولا اى حاجه تانيه البوتاجاز يتمسح ويتنظف وبس كده يتساب...

- أو خليكى ناصحه وخدى بالك المرات الجايه وانتى بتحطى ورق الفويل على سطح البوتاجاز ، احرصى على عدم سقوط أجزاء منه فى فتحه عين البوتاجاز ..

ربنا يستر علينا جميعا...تحياتى..