كتب - محرر الاقباط متحدون
استنكر المفكر والكاتب الليبرالي سامح عسكر ، وفيات الحجاج كل عام ، وكتب عبر حسابه على فيسبوك :
مات في الحج
ازاي؟
كان مريض وربنا اختاره ليُدفن في أطهر بقاع الأرض وبجوار النبي والصالحين..!
ياجماعة: أقسم بالله إنتوا فاهمين الحج والعمرة غلط، ربنا قال ﴿من استطاع﴾ يعني صحتك سليمة وتقدر ومعاك فلوس، لو مريض متطلعش من بيتك لأن وفاتك هتبقى رميت نفسك في التهلكة.
الإعلام يحتفي بوفاة الحجاج كأننا في حرب، ولا يقول إنهم ماتوا بضربات الشمس وأمراض الشيخوخة التي تحتم عليها قلة الحركة لا بذل مجهود رهيب في درجة حرارة 45
فين ضمير المسئولين ودار الإفتاء ليمنعوا سفر كبار السن والمرضى أو على الأقل يكون فيه احتياطات سلامة وأمان للحجاج من ضربات الشمس اللي قتلت مئات الحجاج في ظرف يومين.
لو حياة المسلم الحاج عندك رخيصة فهي مش رخيصة عند ربنا، واللي بيحصل دا قتل مع سبق الإصرار.
