ميشيل فرنسيس
الانبا موسى كان شخص بعيد كل البعد عن ربنا حياتة كلها خطايا ومشاكل وعنف وزنا .
انا عايز النهارده ابعت رساله لكل اب ولكل ام لكل خادم ولكل خادمة احبائي ان لم اكن الانبا ايسيذورس فانا موسى وان لم اكن موسى فانا الانبا ايسيذورس عايز اقول ايه من الكلام ده الانبا ايسيذوس هو المعلم الذي تتلمذ على يديه الانبا موسى الاسود هل انا اقدر اكون زي الانبا ايسيذورس ؟ في محبته في احتضانه في خدمته لموسى الاسود قبل ما يعرف المسيح قبل ما يعيش مع المسيح العيشه الجميله اللي وصل ليها في حياه التوبه لو انا ما كنتش الانبا ايسيذورس يبقى اكيد انا موسى.
اكيد انا موسى العنيف موسى الصعب موسى الخاطئ موسى العصبي موسى اللي بيضايق اولاده موسى اللي بيضايق بناته موسى اللي بيعمل كل حاجه صعبه وكل خطايا صعبه بيزعل ربنا منه يبقى اكيد انا موسى اللي عايش في الخطيه عامل كل حاجه تغضب ربنا مني .
الانبا موسى يا احبائى
كان محتاج اللي يحتويه محتاج اللي يطبطب عليه محتاج اللي يسمعه محتاج اللي يرشده محتاج اللي ينقذه من حياة الخطيه اللي عايشها من الالم والتعب في الخطيه من وجع الخطيه ومرارتها لقى الكلام ده كله في الانبا ايسيذورس الحنين طب الانبا ايسيذورس اخذت الكلام الحلو ده الحنيه والطبطبه من مين من السيد المسيح ليه كل مجد اذا الانبا ايسيذورس هو شبعان بالمسيح والانبا موسى كان عطشان للسيد المسيح عطشان للنعمه والابوه عطشان للمحبه والعطف علشان كده يا احبائي اول ما جات الفرصه للانبا موسى لم يتردد لحظه انه يكشف كل خطاياه وكل عيوبة بكل قوة امام ابوه الروحي متمسك بنعمه السيد المسيح متمسك بمحبه السيد المسيح متمسك بعمل السيد المسيح في عشان كده احبائي عايز اقول تاني ان لم اكن الانبا ايسيذورس فانا موسى وان لم اكن موسى فانا الانبا ايسيذورس كل سنه وحضراتكم طيبين
انشغل بالله ينشغل الله بيك
قول للانبا موسى الاسود.
شفاعه القديس العظيم الانبا موسى والقديس العظيم الانبا ايسيذورس تكون مع جميعنا امين
ميشيل فرنسيس
