محرر الأقباط متحدون
علَّقت نهاد أبو القمصان، رئيسة المركز المصري لحقوق المرأة، على التصريحات الأخيرة للإعلامية رضوى الشربيني والتي قالت فيه: "مش فاهمة ليه البنات مبتحبش تاكل لحم الخروف بس بتحب ترتبط بيه".
وقالت "أبو القمصان": أننا نشبه فئة من البشر بأنهم خروف ده منتهى العنصرية، ودي مش فارقة خالص عن مذيعة الجرس، اللي هي في النهاية برده بتعمل أحكام هبلة كده وإطلاقية وملهاش أي لازمة، والقناة اللي هي فيها خدت موقف واتلمت شوية وإحنا عملنا بلاغ للنائب العام ولسه شغال وفي النيابة العامة.
وتابعت: الاتنين سواء مذيعة البلوك أو مذيعة الجرس وجهين لعملة واحدة والاتنين بيقولوا إننا عندنا مستوى متدني في الإعلام.. لا دي بتدافع عن الرجالة ولا دي بتدافع عن الستات.
واستطردت: ومش بتفرج على الاتنين لأن مضمون البرنامجين، أن الست متعملش حاجة في الحياة غير أنها تروح الجيم تعمل عضلات كويسة في رجلها عشان تعرف تجري ورا الرجالة بس.
