د. أمير فهمى زخارى المنيا
التاريخ بيقول إن مدينة أسيوط هى المركز التجارى الوحيد اللى اليهود ماعرفوش يعيشوا فيه
طـب إيـــه الـحـكــايـــة .. ؟!!
الحكاية "من التراث الشعبى" بتقول إن تاجر يهودى وصل مدينة أسيوط راكب على حماره ولما دخل المدينة حب يختبر أهلها....
فنادى على ولد صغير وأداله نكلة (النكلة تساوى 2 مليم) وقاله خد النكلة اشترى لى حاجة أكلها وكمان حاجة اتسلى بيها واشترى كمان أكل للحمار بتاعى وخللى الباقى علشانك!!
راح الولد الأسيوطى غاب شوية ورجع له معاه بطيخة وقاله: اشتريت لك بطيخة بمليم وخدت المليم التانى عشانى !!
كل أنت من البطيخة وأدى القشر لحمارك وإتسلى باللب...
ضرب اليهودى كف على كف و قال: مالناش عيش فى البلد دى
خلاصه القول المثل ده يدل على ذكاء الاسيوطى ومحدش يقدر يضحك عليه... وتمسكه بحقه مهما تكن الأسباب وده واضح من المليم الذى أخذه من اليهودى حق تعبه... انا فخور بكل اسيوطى على صفحتى ناس مدبرين واذكياء ويعرفوا يلبسوا ويحافظوا على بيوتهم عن تجربه معهم وياريت كلنا نبقى زيهم...
والى اللقاء فى مقاله جديده من حكايات التراث الشعبى ... طيب إيه رأيكم نكمل الامثال "أسيوطى وقرد خربوا مدينه" " امشى معرش وما تمشيش مكرش" ونعرف أصله والهدف منه.... تحياتى
د. أمير فهمى زخارى المنيا
