كشف الفنان عصام عمر كواليس تجربة الهجرة لأمريكا، التي خاضها بعد إصابته بحالة من الإحباط واليأس من الحصول على أي دور تمثيلي في القاهرة.
وقال عصام عمر خلال استضافته في برنامج "صاحبة السعادة" الذي تقدمه الفنانة إسعاد يونس عبر قناة dmc: "بعد 6 سنين محاولات حسيت إن القاهرة مش مكاني، ومفيش ولا مشهد حصلت عليه، فقدمت على فيزا لأمريكا مع صديق عايش معايا في البيت وبيشاركني في دفع الإيجار، هو طلبه اترفض وأنا اتقبلت".
وأضاف: "لمدة سنتين كان معايا فيزا لأمريكا ومش عايز أسافر، وبعد فترة من غير شغل حجزت تذكرة أون لاين وشيلت شنطة على ظهري و200 دولار في جيبي، وسافرت على الله".
وتابع: "اتصدمت في أمريكا بحاجات مكانتش على بالي، إن لو يوم عدى من غير شغل أموت".
أوضح عصام عمر أنه واجه صعوبات في الحصول على عمل في أمريكا بقوله: "فضلت كل يوم الصبح أنزل أدور على شغل وأرجع بالليل أنام، والفلوس خلصت واستلفت 100 دولار، لغاية ما صديق من ولاية تانية كلمني على شغل".
واستعاد عصام عمر ذكريات أول يوم له في نيويورك قائلا: "نزلت في حتة غريبة جدا، ولقيت ناس شايلين كاسيت بيرقصوا في الشارع وبيعاكسوا بنات، وكنت شغال في محل بدل، وأول يوم وصلت المحل كان في 3 ضباط مقتولين من فترة، وعرفت إنها من أخطر المناطق في نيويورك".
يذكر أن عصام عمر شارك في بطولة مسلسل "تغيير جو"، الذي عرض في موسم رمضان 2023، بطولة منة شلبي، وإياد نصار، ميرفت أمين، صالح بكري، عصام عمر، شيرين، عصام عمر، والعمل سيناريو وحوار منى الشيمي ومجدي أمين، وإخراج مريم أبو عوف.
