ممدوح الديري
(١)
لليالي الغربة كتير عديت
وجه علي بالي واتمنيت
ارجع ياربي لحضن البيت
والاقي نفسي معاك تاني
(٢)
في البعد حياتي مش عجباني
وكاني بقيت واحد تاني
مبقاش في فرح واغاني
رجعني ياربي كتير حنيت
(٣)
انا مهما بعدت كتير راجع
يكفيني هم ومواجع
كان جاهز ليا اتون والع
لكني لقربك اتمنيت
(٤)
راجع وبنشد اغاني
عالنصرة وربي اللي فداني
خلاني رجعت جديد تاني
وعلشان كده انا ليك حبيت
(٥)
الدنيا في بعدك زي الغابه
والخلق اسود وفيها ديابه
مليانة حزن وكأبه
وانا راجع لحضن البيت
(٦)
مستني وفاتح زراعته
هو اللي فداني بحياته
وصليبه كان كل ادواته
اللي عليه ربي فديت
✍ممدوح الديري✍
