كتب - محرر الاقباط متحدون
وجه المفكر والطبيب خالد منتصر رسالة بمناسبة فوز الكاتبة المصرية منى برنس عن روايتها (القط المنتظر) بجائزة (زينغ ينغ) للرواية في الصين، والتي كانت تستحق تكريم من وطنها ، الا انه تم فصل برنس أستاذ الأدب الإنجليزى بجامعة السويس، من وظيفتها ، لرقصها فوق سطح منزلها الريفى بالفيوم:، وكتب منتصر عبر حسابه الرسمي على فيسبوك :"
ملخص قصة د.مني البرنس وماتقوله مصر لكل برنس ، افعل كل الموبقات لكن في السر، اكنس التراب وحطه تحت السجادة.
البس قناع واعمل دورك في المسرحية اللي ألفها جمهور مزيف الوعي متعود يكتب مونولوجات متخلفة هابطة مادام السوس مستخبي وشكل الأسنان والعضم من بره حلو يبقي كله تمام .
حط اللحمة ورا الفاترينة وشيل الفيشة مش مهم اللحمة تعفن لكن المهم الفاترينة منورة ومتنضفة بورق الجرايد..اسرق أبحاث، غشش طلبة، بيع مذكرات، خد رشاوي، كل ده مباح بس اوعي ترقص !.
ارقص على الحبل في حياتك لكن اوعي ترقص على، السطح، انشر علي الفيسبوك أفكار ارهابية محرضة واتكلم عن زواج الأطفال وتكفير المسيحي حيتم تكريمك لكن تنشر صورتك وانت فرحان وبترقص حيتم رفدك واعدامك وتجريسك !، مجتمع منافق بامتياز مع مرتبة القرف .
