كتب - محرر الاقباط متحدون
توسل الناشط وائل غنيم لرجل  الأعمال المهندس نجيب ساويرس  ليسامحه ويرفع الحظر عنه بموقع  "تويتر"، وذلك في تغريدة نصها : وائل غنيم عايز ينزل نزلة مع المهندس نجيب ساويرس وناكل فيها مع بعض عيش ورز وسمان ونتكلم أحلى كلام،  يا رب يشيل البلوك ويسامحني ونبدأ صفحة جديدة في نزلة السمان، تحياتي، وائل غنيم من البلكونة".



ليرد ساويرس عليه :" المسألة مش مسامحة المسألة إنك متغير بسرعة الضوء.. أنا اللي حاربت علشان حريتك".



فرد غنيم :" اللي أنا اتعرضتله من تجربة مش سهل وحضرتك دقت طعم الغربة وأنا دقتها بطعم الوحدة والاكتئاب والانعزال وخسارة كل حاجة كان ليها معنى في حياتي.. وعد مني التعامل بيننا هيكون بأصول ولاد الأصول السوهاجية اللي بقابل منهم كتير في يومي وأخلاقهم من ذهب. وأنت الحكم.. تحياتي لحضرتك وشكري وامتناني لجهودك تجاهي وسعة صدرك ولطفك.. الحمد لله على نعمة مصر ودواها.. المسامح دايما كريم يا عمنا.. تحياتي من داخل كافيه بالمهندسين والحاج صلاح والحاج ممدوح بيسلموا على حضرتك".


فقبل ساويرس اعتذاره قائلا :" خلاص يا عم سماح.. أنا مقدر اللي انت مريت فيه.. والصعايده جدعان برضه.. الي ان نلتقي".