كتب - محرر الاقباط متحدون
اجتاح الغضب الاقباط بسبب حلقة من برنامج (القصة وما فيها) تقديم ريهام عياد، بعنوان " هل حاول السادات التخلص من البابا شنودة ؟ " وقالوا ان مقدمة البرنامج تناولت احداث غير حقيقية لم يشهدها الواقع .
وكتب الكاتب الصحفي مايكل عادل عبر حسابه على فيسبوك :" ردًا علي ريهام عياد .. أسلوب مُستفز ومعلومات مُضللة عن البابا شنوده، خرجت علينا ريهام عياد صانعة محتوي علي سوشيال ميديا بفيديو تحت عنوان ( هل حاول السادات قتل البابا شنودة ؟ ) .
انا اتفرجت علي الفيديو اكتر من مرة ، طبعا هي بتحاول تحكي بأسلوب قصصي، ولكن هذه المرة كانت الطريقة مُستفزة للأقباط ومش بس كدة ، كانت فيها معلومات وإتهامات وإيحاءات سياسية ودينية غلط عن البابا شنودة !.
- هي قالت ان نظير جيد كان بيخطط يبقي زعيم سياسي وديني علشان كدة راح اترهبن ..!حابب أقولك ان نظير اترهبن علشان بيحب الوحدة وسكن في الصحراء لمدة طويلة ، ومش معني انه متعلم وبيقرا وعنده مواهب يبقي كان بيخطط ! .
- قولتي ان الانبا شنودة جاء كبطريرك عن طريقة قرعة هيكلية ( عشوائية علي حد تعبيرك ) ، وبالتالي فيه تناقض في كلامك .. إزاي كان بيخطط وازاي جاء بقرعة محدش كان عارف مين اللي هيجي ؟ ) .. وطبعا الاختيار الإلهي صعب إنك تفهميه !! .
- حاولتي تظهري اكتر من مرة "بالإيحاءات" ان البابا شنودة كان سبب في فتن طائفية ، لكن حابب اقولك ان لولا البابا شنودة كانت مصر زمانها في جهنم من الفتن !! .
- حاولتي تطلّعي ان أبونا متي المسكين ان هو السبب وراء خطة السادات لعزل البابا .. ودة كمان مش صحيح ، بل بالعكس أبونا متي المسكين رفض اللي عمله السادات ونصحه ان ميعزلش البابا وفيه وثيقة جوا دير ابو مقار بتثبت دة !! ووقتها أبونا متي قال : " اللي اتكتب في مجلة التايم الأمريكية مُحرف ومش صحيح !".
- لا يصح ان تقولي ان البابا شنودة استغل الكنيسة علشان يبقي زعيم سياسي .. البابا شنودة زعيم روحي إحترمته السياسة لمكانته الروحية .
- البابا شنودة هرب من سيامته أسقفا علي يد البابا كيرلس اكتر من مرة .. إلا ان البابا كيرلس أصر ورسمه بالعافية ووضعه في الأمر الواقع !.
- البابا شنودة تولى الكنيسة في اصعب الأوقات مع محاولة السادات في نمو الجماعات الارهابية للتخلص م عبد الناصر ! .
- حابب أقولك ان البابا شنودة كان راجل وطني من الطراز الرفيع بشهادة المسلمين قبل المسيحيين كان بيروح الجيش يطمن العساكر ، كان بيرفض يروح القدس علشان كانوا محتلين ، كان بيسكت وبيختار الإعتكاف والصلاة لما الدنيا بتبقي ضد الاقباط وضده ! .
- قولتي كمان ان الانبا شنودة كان عايز يعمل ثورة داخل الكنيسة بسبب البابا كيرلس .. ودة مش صحيح .. أيوة البابا شنودة كتب مقال ونُشِر سنة 1965 م وكان أخره ربنا موجود .. دة مش معناه انه كان عايز يعمل ثورة حضرتك !! .
ريهام انتي فقيرة في المذاكرة هذه المرة .. وفاقدة للأسلوب اللائق للحديث عن قامة كبيرة في تاريخ الكنيسة المصرية ، البابا شنوده رجل بريء من كل وصف غير دقيق قولتيه ببجاحة شديدة وكانك كاشفة النوايا .
للاسف .. فكرة الترند والشهرة خلت الناس تتكلم بطريقة استخفافية لدرجة انهم ممكن يقولوا معلومات غلط .. !
ريهام خسرتي كتير بعد الحلقة .. ممكن تبقي تريند يوم او اتنين او اسبوع حتي لكن فقدتي إحترام ومحبة ملايين داخل وخارج مصر
طبعا .. حضرتك المفروض دارسة إعلام .. وميصحش اني أقولك إزاي تعملي قصة خبرية ( فيتشر ) .. مع العلم ان السرد الروائي لتبسيط الموضوعات مش لتضليل المعلومات .. وبيان سياقها الزمني والمكاني، ويُستخدم فيه أدبيات الصحافة ( مش أسلوب مستفز وفيه إستخفاف ) !
للأسف .. خسرتي يا ريهام
Reham Aiaad - ريهام عياد
واتمني تقديم الإعتذار كما فعلتي مع مخرج لمجرد انك غلطتي في إسمه بس ! .
وبعد غضب الاقباط، اعلنت ريهام عياد حذف حلقة "البابا شنودة" وقالت :" احتراما ومحبة لاخواتنا وجمهورنا القبطي الجميل.
