كتب - محرر الاقباط متحدون
علق الكاتب الليبرالي والباحث سامح عسكر ، على خبر القبض على فرقة موسيقية تستجدي المارة بمصر الجديدة، وكتب عسكر عبر تويتر :
الخبر دا عجيب غريب.. مفروض الدولة تشجع الفنون وترجع الثقافة الجماهيرية اللي اتحرمنا منها في عهد الإخوان .
حضرتك بتجدد خطاب ديني بالقبض على فرقة موسيقية؟، وإيه تهمتها أصلا؟ لو إزعاج سكان يبقى السبب ميكونش استجداء مارة من أجل المال، لأن دا طبيعي، شباب فقراء عندهم موهبة بدل ما يشحتوا والا يشربوا مخدرات يعملوا فن، ويبسطوا نفسهم ويبسطوا الناس .
إيه اللي يزعل الدولة من شباب موهوب فنان بيبسط الشعب ؟ لو التهمة إزعاج سكان يبقى الخبر يكون القبض على من يزعج السكان حتى لو ميكروفون في جامع، أما الخبر بهذا الشكل وبتلك الصيغة يبقى فيه حاجات غلط مش حاجة واحدة.
ما هو موقف الدولة من الفن ؟..وإذا كان تشجيع فليه منشجعش الفنانين والشباب المغمور إنه يشتغل؟ أرجو يكون خبر القبض ع الشباب غلطة وتتصلح، إلا لو كان ليهم نشاط سياسي فدا موضوع تاني.
