د.أمير فهمى زخاري المنيا
الفنان ماجد الكدواني في فيلم هيبتا قال كلام لفت نظرى أوي حبيت انقله لحضراتكم 😊🌹
- ابني كان بينسي يشحن موبايله قبل ما ينام أخدته حطيته يشحن... صحي الصبح مبسوط أوي قعد يشكرني،، تاني يوم : بردو نسي، شحنته له، قال لي : شكرا يا بابا،، تالت يوم : نمت بدري وما شحنتش الموبايل بتاعه، صحي متضايق وزعلان وبيعاتبني لية ماحطتش الموبيل على  الشاحن ينفع كده ؟؟!!
- رتبت سرير بنتي كام يوم بدالها، بطلت ترتبه هي خالص، حتي لو مش تعبانة أو مش مشغولة...

- عودت صاحبي إني أتصل بيه أطمن عليه، في يوم تعبت وما سألتش عليه، زعل وقالي ما إتصلتش بيا ليه؟؟؟
- إستحملت زميلي ساعة غضبه، بقي العادي بتاعه إنه يتعصب عليا ....

- صديق ورث هو واخواته عمارة بيقتسموا إيجارها، ساب حقه لإخواته كام شهر وأما إتزنق شهر وحب ياخد إيجارها شهر واحد، ... بصوله  باستغراب، وكأن لازم يحكي تفاصيل زنقته عشان ياخد حقه.

و..و...و....و.....حكايات كتير .. نفس النظام ..

كل إللي يجي علي نفسه ويفضل غيره عليه ويشيل عنه، لازم يفضل كدة أو هيبقي وحش .....

الخلاصه:
أوقات بنتنازل عن حقوقنا لحد ما الأخرين يفتكروها حق مكتسب!!!🌹😊
د.أمير فهمى زخاري المنيا