د.امير فهمي زخاري المنيا
- كلمه (بزراميط) أصلها كلمة bazar الفرنسية و تؤخد من جمله عبارة cest quoi ce bazar بمعنى ما هذه الفوضى 😃
- (البلطجى) أختصار لجمله ( حامل البلطه ) ..
- (ابن الرفضى) شتيمه ظهرت أيام الدوله الفاطمه بمعنى (يا من رفض بيعه سيدنا على) 😃
- كلمه (طعميه) أختصار لجمله (طعام العامه) ..
- لما نقول على الجدع (جدع) فده لأن (الجدع) هو أكثر أنواع الجمال تحمل للمشقه ..
- (الدلعدى) هو أختصار لجمله ( يا ألد العدى ) 😃
- لما نحدف حاجه تقيله و نقول (أوبا) 😃 فدى كلمه أصلها يونانى بمعنى ( أيتها القوه ) ..
- لما نقول على حد دمه تقيل (قاعد زى اللطزانه) فدى مشتقه من لغه النجارين بمعنى (خشبه زان عريضه)
- (الأونطه) كلمه أصلها يونانى (أفانتا) بمعنى حيله ..
- لما نغنى فى السبوع (حلقاتك برجالاتك) فده لأن الرجاله البدويين زمان كانوا بيلبسوا حلقان فبيبشروا المولود الجديد أنه هيعيش فى عز 😃
- لما نتغاظ من حاجه و نقول عليه (المدعوق) فالمدعوق هو الراجل اللى ما بيعيشلوش ولاد يعنى كل ما يخلف ولاده يموتوا 🙁
- (الخرونج) دى شتيمه بس معناها الأصلى هو الأرنب حديث الولاده 😃
- كلمه (أوضه) تركيه بمعنى غرفه و كلمه (أبله) تركيه بتتقال للأخت الكبيره .. (يا أبلتى) 😃 كلمه (أبيه) تركيه و أصلها (أبيى) ..
- (طز) كلمه تركيه معناها (ملح) و بتتقال على الحجات المش مهمه لأن العثمانيين كانوا بياخدوا ضرايب على كل البضايع ماعدا الملح .
- لما نقول على الذكى (ابن حنت) فالحنت هو الثعلب الصغير .
- لما نقول على واحد معندوش أحساس (نطع) فالنطع هو جلد الخروف أو الجزء السفلى من أله الأعدام (المقصله)
- باشا معناها الحرفى التركى ( با ) يعنى حذاء او جزمه و ( شاه ) يعنى سلطان .. يبقى المعنى جزمه السلطان .. تخيلوا الواحد لما يقول لواحد يا باشا يعنى ياجزمه السلطان ..دى تبقى شتيمه .. (زى فى بوست سابق كلمه يا ابن الإيه طلعت كلمه قبطيه بمعنى يا ابن البقره .. شتيمه ..) وممكن كلمه باشا تستعمل للتفخيم زى على قدم المساواه .. بمعنى بحذا حذاء السلطان يعنى نفس مرتبه السلطان .. وانتى بقى ونيتك ممكن شتيمه وممكن تفخيم ..
..تحياتي
د.امير فهمي زخاري المنيا
