د. أمير فهمى زخارى المنيا
اللبن قطع منك اوعى ترميه 😋🥰🥰
★اضربه في الخلاط مع شوية سكر وكوب زبادي مع اي فاكهه ويبقي زبادو.
★اضربه في الخلاط مع ملح وهايبقي رايب جهينه.
★اضربيه في الخلاط واستخدميه في تتبيل اللحوم او الفراخ بديل الزبادي.
★اعملي سلطة خضار باللبن الرايب حاجة عظمة
جزر مبشور وبقدونس وطماطم وفلفل وبصل مقطعين وعليهم لبن رايب ونعناع وزعتر ورشة ملح وزودي رشة حبة البركه وممكن تحطي قطع جبنه فيتا او شيدر او قريش او اعملي سلطة زبادي بالخيار والثوم.
★اعجني بيه قرص فلاحي او بيتزا بدل اللى مابتسدش مع الولاد من برة.
★جبنه قريش وعظمة الجبنه القريش
هاتغلي اللبن وتحطي م ك خل وملح حسب رغبتك وصفيه في مصفاه وبعد كدا حطيه في شاشه او قماشه نضيفه واربطيها وسيبيه تتصفي خالص وحطيها في التلاجه و بعد كدا استخدميها.
★فكره كمان ممكن تعمليها بنفس الخطوات بس من غير ملح وبعد ماتجمد حطيها في الفريزر ولما تعملي بيتزا ابشريها متجمده هاتديكي نتيجة الموتزاريلا بس مش بتمط ههههه.
★فكره كمان اعملي جبنه قريش من غير ملح واستخدميها بديل الجبنه الكريمي للتشيز كيك بتبقي رووووعه.
★ الشرش اللي هاينزل منك اوعي ترميه احتفظي بيه في الفريزر واستخدميه في المعجنات بديل المياه.
😋🥰مع تحياتى ...
د. أمير فهمى زخارى المنيا
