أحذر.. الجبن المعلبة نباتي الدهن

الجبن دى بتتصنع من زيت النخيييييييل.... ايوه زيت النخيل، مكون طبيعي نباتي ورخيييييص ومبيأذيش، ايوه مبيأذيش دلوقتى، مش هتاكله وتموت فلحظتها يعنى....

مع شوية لون ابيض (طبعا مصرح بيه من وزارة الصحة)

وشوية طعم جبنه (وطبعا مصرح بيه من وزارة الصحة)

دا غير ان زيت النخيل اصلا مصرح بيه من وزارة الصحة 

كل ما فيها إنك لو اكلت ربع كيلو منها فاليوم

كأنك شربت ربع كيلو زيت

ولو اكلت ربع كيلو كل يوم

يبقا شرب ربع كيلو زيت كل يوم

بيرسب على شرايينك ويسدها، ويرفع الدهون والكوليسترول، ويزود الوزن وتبقى انت فاكر إنك بتاكل اكل صحي

دا غير امراض القلب

ولو إنتى حامل وفاكره إنك بتاخدى مصدر غنى بالكالسيوم وفيتامين د عشان عضم طفلك يتكون بشكل سليم

فأحب اقولك انه صفر كالسيوم وصفر فيتامين د

وهيزودلك وزنك اثناء الحمل، اللى بدوره ممكن يدخلك فتسمم حمل

دا غير باقي المكونات من مبيضات والوان صناعيه وطعم صناعي احنا لسه منعرفش تأثيرها على الجنين هيبقى شكله إيه ...

خلى بالك

واقرى المكونات كويس اوى عشان صحتك وصحة اولادك

وممكن نعمل جبنه مثلثات صحيه في البيت 

طريقة عمل جبنة مثلثات في البيت....

• كوب لبن

• نصف كوب زيت

• 2 ملعقة كبيرة دقيق

• ملعقة كبيرة

• خل رشة ملح

* يخلط فى الخلاط اللبن والزيت والخل والدقيق

* يوضع الخليط فى طاسة على النار ويقلب

* تضاف رشة ملح ويقلب حتى يغلظ القوام ويصب فى علبة مدورة

* توضع فى الثلاجة لمدة يوم حتى تتماسك ثم تقطع مثلثات وتستخدم

• كوب حليب بلدي مغلي

• 2 ملعقة كبيرة دقيق

• 3 قطعة جبنة مثلثات

• 2 ملعقة كبيرة قشطة أو مكعب زبدة

• ربع كوب زيت 

• ملعقة كبيرة خل

• ملعقة صغيرة ملح

نحضر الخلاط ونضع به كوب الحليب (نغلي الحليب ثم نتركه يبرد) ونضع عليه 2 ملعقة كبيرة دقيق ونخلط جيدا حتى نحصل على خليط ناعم بدون تكتلات ثم نضيف الخل والقشطة والملح و3 قطع جبنة مثلثات ونخلط جيدا وأثناء الخلط ننزل بالزيت بالتدريج من أعلى الفتحة ونخلطهم جميعا فى الخلاط حتى نحصل على خليط ناعم..

ثم نضع حلة على النار وننزل بالخليط بها ونقلب جيدا وسريعا بالمضرب السيلك بإستمرار حتى لا يحدث أي تكتلات ونستمر فى التقليب حتى يثقل القوام ونحصل على خليط كريمي ثم نرفع الخليط من على النار..

ثم نحضر قالب دائري او غطاء برطمان أو علبه جبنة مثلثات ونضع بها كيس ثلاجة مدهون بالزيت ونضع الخليط بها ونساوى الوجه جيدا ونغطى القالب أو العلبة بكيس الثلاجة ونتركها تهدأ وتبرد ثم نضعها فى الثلاجة ثم تقطع مثلثات وتقدم..

 

جبنة كيري مربعات.. وجبنة البقرة الضاحكة وبريزيدون مثلثات (تقريبا النوع الوحيد في أنواع جبن مثلثات صحية وبدون تعديل بالزيوت النباتية)..

بالهنا والشفا... صحتكم غاليه عليا