كتب - محرر الاقباط متحدون
يواصل المفكر والطبيب خالد منتصر، التصدي للتعصب ضد الاقباط، حيث استهدف هجوما شنه متشددون جاكلين سمير، نائب مدير إدارة صيانة القصور والآثار والمشرف على صيانة وترميم مساجد آل البيت بالمقاولون العرب، بعد تداول صورة لها وهي جالسة بمسجد السيدة نفيسة بعد تطويره .
وكتب منتصر عبر حسابه على فيسبوك :" هي دي مصر ..جاكلين سمير القبطية بتشرف على تطوير مساجد الحسين والسيدة نفيسة وباقي مساجد آل البيت .
وتابع :"المهم ناس سايبين الجهد والابداع بتاعها ده كله وبيقولوا، إزاي مسيحية تقعد في الجامع بشعرها كده؟؟!.
وقالت جاكلين سمير، نائب مدير إدارة صيانة القصور والآثار والمشرف على صيانة وترميم مساجد آل البيت بالمقاولون العرب، في إطار افتتاح الرئيس السيسي لمسجد السيدة نفيسة بعد انتهاء اعمال التطوير والتجديد :" انا مهندسة مصرية وارى العمل عقيدة.
مضيفة في تصريحات لبرنامج " التاسعة "، تقديم الإعلامي يوسف الحسيني، على على القناة " الأولى الفضائية "، :" مساجد آل البيت بيوت الله".
لافتة :" الرئيس السيسي يولي اهتماما كبيرا بإحياء التراث الديني والتاريخي بمصر، وجاري العمل على تطوير جميع مساجد آل البيت .
وفي سياق هذا تداول رواد مواقع التواصل الاجتماعي، منشور لحساب باسم (ريم مختار) يتضمن اشادة بالمهندسة جاكلين سمير ، نصه :
في الصورة دي في مهندسة مسيحية قاعدة في حرم المسجد اللي تم تطويرة لستنا وحبيبتنا السيدة نفيسه المهندسة جاكلين سمير هي المشرفة على تطوير مساجد ال البيت فى مصر وشفنا شغلها العظيم فى مسجد الحسين والسيدة نفيسة وشغالين حاليا فى مسجد السيدة زينب لحد كده كلام جميل المذيع بيسألها امس في حوار معاها عن الجمال اللي عملته في التطوير بيقولها المفارقة انك مسيحية وبتشرف على تطوير المساجد ردت المهندسه قالتله اولا انا مهندسة مصرية وثانيا العمل عقيدة.
فكرتني المهندسه بجامع احمد ابن طولون قريت مرة انه اللي خططه وبناه مهندس مصري مسيحي وهو الجامع المانع لايغرق ولايحترق وفيه اتعمل اول نظام صرف صحي للمطره.
