د.امير فهمي زخاري المنيا
انهارده ها أتكلم عن اللحوم المحفوظة ( المصنعة ) يعنى البلوبيف .. البسطرمه .. البرجر .. السجق .. اللانشون .. المرتدله .. الهوت دوج .. الخ ..
فى ماده اسمها نتريت الصوديوم بتضاف الى اللحوم المصنعه ..ودي ماده حافظة بيحطوها علي اللحوم علشان تعيش فتره اطول وتخلي شكلها طازج و تحسن لونها و طعمها.
للاسف بتستخدم هذه الماده في منتجات كيماويه زي المبيدات الحشرية ومواد التشحيم والمنظفات المنزلية وغيره ..
- طيب يعني هل اضرارها جسيمه ولا نأكلها و نكبر دماغنا و خلاص؟
هو طبعاً الاعراض مش هتظهرلك من اول يوم بس الاكيد ان المواد دي بتترسب في الجسم وبتبان اعراضها علينا بعدين، وعلي المدى الطويل ماده نتريت الصوديوم ممكن تكون مسببة للسرطان او تخليك عرضه لمرض السكري او تسبب تشوهات في الاجنه.
اما علي المدى القصير ممكن تسبب اضرابات في الهضم او التهابات في المعده او فرط في النشاط الحركى.
- ومنظمات الغذاء عارفين اننا بنأكل الماده دي وسايبنا عادي كده؟
للاسف معظم المنظمات دي بين نارين، بين انهم يأكلو الناس أكل صحي سليم وبين انهم ميوقفوش التجاره في السوق ويخسروا الاقتصاد، فبيسمحوا باستخدام المواد دي بس بكميات مقننه ، زي منظمه FDA الامريكية ما عملت، وسمحت باستخدام كميات مقننه من الماده دي، بس دلوقتي بيبحثوا في منع استخدام الماده دي بسبب الاعراض اللي شافوها علي فئران التجارب ، ودي حاجه كويسه ان الفئران صعبت عليهم و بيفكرو يشيلو المادة من الاكل.
- طيب اتفادى المادة دي ازاي؟
عندك حل من اثنين، اول واحد انك تتجنب اكل اللحوم التجاريه وخلى أكلك طازج وتشتري اللحوم الطازجه ودي نصيحتنا الصراحه.
ثاني حل انك لو مضطر تشتري لحوم مصنعه دور علي الماده بالاسماء دي قبل ماتشتري
E250, Sodium Nitrite�, Nitrous Acid, Sodium Salt Nitrite
ونصيحه ماتكترش منها.
اتمنى لكم الصحه والعافيه
د.امير فهمي زخاري المنيا
