د. أمير فهمى زخارى المنيا
هل تعلم ان التدخين السلبي اشد ضررا من التدخين الايجابي
هل لان الايجابي يستعمل فلتر والسلبي؟ لا
يا ساده التدخين ثلاثة أنواع مش نوعين زى ماحنا عارفين!!!
٣ اشكال التدخين هم:
1- ايجابي
2- سلبي
3- تدخين عفش الشقة مثل الترابيزه والكرسي والستارة والسرير وأماكن تواجد المدخن...
وأكبر دليل ان اي مدخن كل هدومه رائحة الدخان
وكذلك لو مش مدخن اذهب الي اي قهوة ربع ساعة سوف تجد كل جسمك به رائحة الدخان
واحد يتكيف ويعمل دماغ.. والتاني يدفع الفاتورة ... والله حرام
دائما أجد سموم الرصاص والكادميوم والانتموني والالمنيوم في تحليل انسجة الشعر لطفل التوحد من اب او ام او جد او جده مدخن ... حرام
التدخين قتل بحثًا انه مسبب اساسي للسرطان.
وهذا ما كتبه رامز سعد الكيميائي الحيوي وأخصائي تحليل المعادن بانتاريو كندا
النهاردة وأنا بقرأ تحليل الشعر لأحد الأطفال لقيت عنده تسمم بزموت عالي جداً
البزموت أحد المعادن الثقيلة اللى ممكن أى حد يتسمم بيها لو دخلت الجسم بنسبة كبيرة
وطبعاً قبل ما أمشي الطفل على أى نظام غذائي لإخراج السموم لازم أعرف مصدر التسمم عشان نقفله خالص
فبتكلم مع والد الطفل فعرفت منه إن الطفل متعود يلعب فى طفاية السجائر بتاعة والده
وانا كنت محلل بواقي السجائر قبل كده وعارف إنها تحتوي على أعلى نسبة من البزموت 0.2
طبعاً بالإضافة إلى الرصاص والكادميوم والنيكل والكروم
فرجاء لكل أب
لو مش قادر تبطل وتمنع الضرر عن نفسك
على الأقل امنعه عن ولادك
بلاش تدخين فى البيت لأن حتى الفرشة اللى أنت جالس عليها بتتلوث بسموم السجائر
الستائر اللي حولك هتتلوث
ابنك لما يجى يحضنك هيتلوث بالسموم من هدومك
وجود الطفاية بالمنزل حتى وهى بعيدة عنهم تسمم بحد ذاتها عن طريق تسرب السموم فى هواء الغرفة
ولو بيلعبوا بيها السموم بتتسرب عن طريق الجلد...
دى كانت نصيحتي في معلومة اليوم وربنا يحافظ عليكم ... تحياتي.
د. أمير فهمى زخارى المنيا
