كتب - محرر الاقباط متحدون
كشفت ماري حكيم والدة كيرلس وبيشوي الشماسين شهيدي حادث حريق كنيسة إمبابة، آخر حوار معهما .
وقالت حكيم خلال حلولها ضيفة على برنامج (مساء النور ) المذاع عبر قناة "مي سات ":" اخر مرة كنت معاهم يوم السبت بالليل في نهضة السيدة العذراء، لكن يوم الاحد هما صحيوا وراحوا الكنيسة لوحدهم.
لافتة :" هما متعودين على كدة لاننا قريبين جدا من الكنيسة، ربنا اداهم نعمة انهم اذكيا كانوا سابقين سنهم ، كانوا بيروحوا الكنيسة لوحدهم وميخافوش من اي حاجة.
كما لفتت :" اخر مرة كلموني يوم السبت بالليل، واتكلمنا كاسرة عادي هتروحوا القداس الصبح، اه ياماما هنروح.
وتابعت :" يومها والدهم قالهم مش عاوزكم تفوتوا اي قداس نهائي خالص لان انتم حاليا في اجازة ، وقالوله حاضر يابابا ومن صغرهم وهما بيحبوا اوي الكنيسة .
لافتة :" الطبيعي ان كل مرة ببقى حتى لو انا مش رايحة معاهم بحس بيهم او بصحيهم، لكن في اليوم اللي حصل فيه الحادث انا وباباهم محسناش بيهم خالص ، فعلا كانوا زي ملايكة محدش حس بيهم في اليوم ده.
واقيم قداس الذكرى الأولى لانتقال شهداء حريق الكنيسة الاثنين ١٤ أغسطس في كنيسة الشهيد مار مينا بإمبابة.
وفي 14 أغسطس 2022 وقع حريق داخل كنيسة أبو سيفين القبطية الأرثوذكسية بمنطقة إمبابة في مصر أثناء القداس الإلهي، وأسفر عن وفاة 41 شخص بينهم 18 طفلا وإصابة 14 أخرين.
ونُقل حوالي 55 مُصابًا للمستشفيات. وكان من بين الشهداء القمص عبد المسيح بخيت كاهن الكنيسة، الذى استشهد و هو يحاول انقاذ الاطفال داخل الكنيسة و فاضت روحه وهو داخل الهيكل امام المذبح.
