أثار الزعيم عادل إمام قلق جمهوره عليه لأكثر من 3 سنوات منذ مسلسله الأخير فالنتينو، فعلى الرغم من مطالبات محبيه بظهوره للاطمئنان عليه فإنه لم يظهر حتى الآن واكتفى بمداخلة هاتفية منذ فترة بالتزامن مع حلول عيد ميلاده.
وخرجت الفنانة مادلين طبر عن صمتها وقالت في تصريح لـ القاهرة 24 إنها تتمنى ظهور الزعيم إعلاميًا وحضور تكريماته، معلقة: أتمنى عائلة الزعيم تفرج عنه، وحتى موبايله مش بيرد عليه، نطمن عليه إزاي؟ لازم نقتحم بيته.
هل منعت أسره عادل إمام ظهوره؟
وبدوره تواصل القاهرة 24 مع المنتج عصام إمام، والذي رد على تصريحات منع أسرة الزعيم من الظهور، قائلًا: أنا مش برد على الشائعات؛ لأن هيقولوا إيه على عادل إمام أكتر من كدا؟ دول موتوه 7 أو 8 مرات، وطبعا مفيش الكلام دا ولا حد أجبره يبتعد وهو كويس وصحته بخير وبيتابع الأحداث الجارية عادي.
حقيقة اعتزال عادل إمام التمثيل
وعلى جانب آخر، سبق وكشف عصام إمام حقيقة اعتزال الزعيم عادل إمام التمثيل بعد غيابه 3 سنوات عن التمثيل، وقال في تصريح سابق لـ القاهرة 24: الزعيم بخير وصحته كويسة وأنباء مرضه ودخوله المستشفى كلها شائعات لا صحة لها.
وأضاف عصام إمام: اللي بيقول إنه اعتزل الفن دا واحد مش لاقي كلام يقوله ولا حاجة يعملها وطبعا كل دا غير حقيقي والزعيم هيرجع لجمهوره قريب.
