وجهت الفنانة جوري بكر رسالة خاصة لجمهورها عبر خاصية القصص القصيرة في حسابها على Instagram.
وكتبت جوري بكر لجمهورها: خليكم مقتنعين دائما بأن مش كل اللي بتشوفوه حقيقي ومش كل اللي بنزله حقيقي ممكن ورا الصورة والضحكة اللي نزلت دي الكواليس بتاعتها كانت كلها كسرة وغضب وعياط وتعب نفسي وتعب جسدي وحاجات تانية كتيرة.
وواصلت كلامها: رسالتي اللي عايزة أوصلها مفيش حد بيحب يشارك الناس اللي بتتابعه اللي هي أصلا فيها اللي مكفيها حاجات سلبية بس لازم أديكم أمل في بكرا وأن ربنا بيعوض لأن ربنا مش بيحب الحاجات الوحشة ادعوا لبعض وأتمنوا الخير لبعض متعرفوش ربنا خد إيه مني أو من غيري عشان يكرمني بأي حاجة تانية في حياتي.
على جانب آخر، كانت الفنانة جوري ردت على شائعات طلاقها التي تنتشر عبر مواقع التواصل الاجتماعي من حين لآخر وذلك من خلال منشور عبر حسابها الشخصي على Instagram كتيت فيه: أنا بخير الحمد لله وزوجي الراجل المحترم بخير وربنا يكرمنا إن شاء الله ونشوف ابننا على خير ادعولنا بس وكفايا اشاعات ارجوكم أعصابي تعبت والله تعبت يارب تكونوا مبسوطين كدا ومتطمنين حياتي الخاصة خط أحمر.
وتابعت: على فكرة أنا بخير ومفيش أي حاجة من الاشاعات اللي بتطلعوها عليا حصلت ومحدش يدخل يمثل ويقولي خير حبيبتي مالك ما انتو مش بتسالوا غير في المصايب لكن غير كدة لا هفضل طول عمري صريحة وأقول أي في قلبي لاني مبخافش غير من اللي خلقني.
وكانت آخر أعمال الفنانة جوري بكر، هو مسلسل "جعفر العمدة" بطولة النجم محمد رمضان، وتم عرضه في الموسم الرمضاني 2023، وضم العمل مجموعة من النجوم أبرزهم: هالة صدقي، زينة، مي كساب، منة فضالي، إيمان العاصي، أحمد داش، أحمد عبد الله، منذر ريحانة، طارق النهري، عصام السقا، دعاء حكم، سلوى عثمان، مجدي بدر، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، والمسلسل من تأليف وإخراج محمد سامي.
