محرر الأقباط متحدون
استنكر نبيل النقيب المحامي، تكرار حوادث أسلمت الفتيات القبطيات، مؤكدا أنه عبث بالأمن القومي وإرهاب وهدم للأسرة المصرية.
وقال النقيب عبر حسابه الرسمي علي فيس بوك: "في بنت اسمها مريم فريد من سيدي بشر الإسكندريه اختفت وفي رسالة من تليفونها بتقول أنها أسلمت وبتطلب من أهلها ميقولوش".
وتابع: "أنا لسه سامع حلقة سام دلوقتي سمعت فيها الكلام ده البنت خريجة تجارة انجلش السنة دى البنت مواليد 2000".
وقال النقيب: "وبعدين في تدمير البيوت ده هي الأمور بقت فوضي للدرجة دي هو مفيش مسؤولية خالص تجاه المسخرة دي والله بفكر أرفع قضية على الأزهر نوقفه عن إصدار شهادات الأسلمة دي هو البيت المصري المسيحي ملوش اعتبار للدرجة دي ده إسمه عبث بالأمن القومي للبلد ده إسمه إرهاب ده إسمه هدم للأسرة المصرية متخليكم محترمين بقي شوية لازم الصرخة تجاه المسألة دي تكون من الداخل لازم يكون في موقف تجاه العصابات الممولة الموجودة للغرض ده هذا إعتداء صارخ وواضح علي الأسرة المصرية المسيحية وإلا قولوا إن المسيحيين مش مصريين كفاية كده".
