كتب - محرر الاقباط متحدون
فارقت ام شابة تدعى كارولين منتصر الحياة بشكل مفاجئ، بعد إنجابها طفلها الثاني بأيام .
وبحسب تقرير مصور لفضائية (العربية) اثار خبر وفاتها حزنا وتعاطفا على المنصات الاجتماعية.
الشابة صاحبة الـ٢٨ عاما فارقت الحياة بعد ساعات من كتابتها منشورا على فيسبوك تشتكي فيه من ضغوط الحياة .
وجاء بنص منشورها :" في آخر كل يوم إنتي أم مقصرة وصديقة مشغولة وأخت بعيدة وموظفة مش شاطرة وزوجة عصبية، وبنت عاقة ومبنعجبش حد وياريت حتى بنلاقي وقت لنفسنا."
دفع المنشور الكثيرين للاعتقاد ان كارولين ربما تعرضت لضغوط كثيرة تسببت في رحيلها، مصابة بهبوط حاد في الدورة الدموية .
كثيرون نعوا الام الشابة التي تعمل "ميكب أرتيست" وغالبيتهم من السيدات اللواتي يتعاملن معها .
-متخيلين أن البنت دي كتبت البوست ده امبارح زي دلوقتي والنهرضة سافرت السما ربنا ما يكتب علي حد موت القهره ابداااا ربنا يصبر كل حبايبها يارب.
-كارولين راحت السماء بعد اقل من 24 ساعه من البوست وسابت مولودها عنده 11 يوم البنت كل كلامها الفـتره الى فاتت بتشتكى لكن كله دلوقتى هيفهم بس بعد فوات الاوان خلوا كلامكم حلو مع اى شخص علشان متعرفش كل شخص من جواه ايه ربنا يرحمك يارب ياحبيبتي ويصبر قلب اهلك يارب وجعتي قلبي عليكي.
-كارولين سافرت مع العدرا في عيدها وكان موت مفاجئ لينا كلنا يعني ازاي وامتي ده حصل يعني محدش فينا عارف حكم ربنا كان يقصد ايه فااكيد ورا موتها سبب لان مقاصد الله لا يعلمها غير الله فبلاش نقول ربنا يرحمها لا خلينا نقول يا بختها بالسما لانها بتفرح مع العدرا والملايكة فالحياه الابدية وان احنا نستعد زيها لان الموت قريب مننا نقول اجعلنا يارب نكون مستعدين للقاءك روحتى المكان اللى هترتاحي في يا حبيبتي.
-ربنا يعزي عائلتك و حبايبك يا كارولين ويسند جوزك وبيطبطب ع قلب ولادك وزي ما مشيتي فى عيد العدراء تكون هي أم ليهم وتراعيهم مدى حياتهم.
-ربنا يرحمها ويجعل مثواها الجنه
-ربنا يرحمك يا رب ويغفر ليكي ويسكنك فسيح جناته
-ربنا يرحمها ويصبر اهلها
-لاحول ولاقوة الابالله الله
-ربنا يعزي قلوبكم
-البقاء لله وحده ربنايصبركم يارب
-اشبعوا من بعض محدش عارف مين هيمشى قبل مين
كارولين منتصر سافرت السماء بعدما أنجبت طفلها الثانى بعشرة ايام نصلى من أجل جوزها وأولادها وحبايبها
-#كارولين_منتصر
شابه زى كتير متزوجه وعندها طفل وفكرت وقررت تجيب طفل تانى زى اى زوجه وام ... لكن للأسف ماتت بعد الولاده اكيد مش هنعترض على حكمه ربنا دى وديعته واستردها.
لكن هى سابت رسالة مؤثرة قبل وفاتها بساعات.. رحيل أم شابة يثير تعاطف رواد السوشيال ميديا
أثار وفاة #كارولين_منتصر، شابة في ال ٢٨ من عمرها، ضجة كبيرة عبر مواقع التواصل الاجتماعي، وذلك بعد أيام من ولادتها طفلها الثاني.
ونشرت كارولين بالأمس عبر حسابها على فيسبوك، منشوراً، لمس قلوب رواد التواصل الاجتماعي، وكأنها رسالة وداع.
منشور #كارولين قبل وفاتها وكتبت #كارولين: “و ف آخر كل يوم إنتي أم مقصرة وصديقة مشغولة وأخت بعيدة وموظفة مش شاطرة وزوجة عصبية وبنت عاقة ومبنعجبش حد وياريت حتى بنلاقي وقت لنفسنا !!”.
كل الوجع فى كلاما قبل وفاتها ب 24 ساعه
ناس كتير فى تعبها مالهاش حد تقولوا أنا تعبانة ،
#كارولين_منتصر كتبت الرساله دى لأنها كان نفسها يكون لها اخت تقف جنبها بعد الولاده وده بوست من صفحتها يثبت كلامى :
بجد مفيش اصعب من مرحلة بعد الولادة خصوصا لو ملكيش حد يساعدك محدش فاضي تقوليلة أنا تعبانة من قلة النوم، محدش موجود تقوليلة كل حتة في جسمى وجعانى من الشيل و المجهود و اثر الولادة اللى لسه مخرجش من جسمی.
محدش موجود يشوفك لو محتاجة تاكلى أو تشربي لانك مش ملاحقة أصلا تغسلى وشك من أهتمامك بـ البيبي اللي ماسك فيكي لو فضلتي اليوم كلة مأكلتيش أو مشربتيش محدش هيحس أصلا، ولو حد حس مش هيقولك أساعدك ، هتلاقيهم شايفينك مقصره و عمالين يدوكى كلام ان ليه مأكلتيش و محدش مدرك ان فعلا مش عارفة تعملى لنفسك حاجة.
لو تعبتى هتقومى غصب عنك تنضفى، تهتمى بولادك, وتعملى كل اللی علیکی علشان لوحدك.
"بقايا إنسانة"
